ഇത് വമ്പന്‍ നേട്ടം;ലോകത്തിലെ ഏറ്റവും മൂല്യമുള്ള എയര്‍ലൈനായി മാറി ഇന്‍ഡിഗോ

ആഗോളതലത്തിൽ ഏറ്റവും മൂല്യമുള്ള എയർലൈനായി ഇന്ത്യയിലെ ഏറ്റവും
വലിയ എയർലൈന്‍ ഇൻഡിഗോ ഉയർന്നു.23.4 ബില്യൺ ഡോളർ വിപണി
മൂലധനമാണ് ഉള്ളത്.

ജനുവരി മുതൽ ഓഹരികൾ 14% കുതിച്ചുയർന്നു. ഏപ്രിൽ 9-നാണ് ഏറ്റവും കൂടുതല്‍ ഉയരത്തിലെത്തിയത്‌. ഇതോടെ ഇൻഡിഗോ ഈ വർഷം ഓഹരി വില ഉയർന്ന ലോകത്തിലെ ഏക വിമാനക്കമ്പനിയായി മാറി.

എന്നാല്‍ മറ്റു കമ്പനികളായ യുണൈറ്റഡ് എയർലൈൻസും ഡെൽറ്റ എയർലൈൻസും തങ്ങളുടെ ഓഹരികളില്‍ 41% ഇടിവ്
രേഖപ്പെടുത്തി.

പുതിയ വിപണി മൂലധന പട്ടിക

• ഇന്‍ഡിഗോ - 23.4 ബില്ല്യണ്‍ ഡോളര്‍
• ഡെൽറ്റ എയർലൈൻസ്- 23.2 ബില്ല്യണ്‍ ഡോളര്‍
• റയനെയര്‍ എയർലൈൻസ്- 21.3 ബില്ല്യണ്‍ ഡോളര്‍
• യുണൈറ്റഡ് എയർലൈൻസ്- 18.5 ബില്ല്യണ്‍ ഡോളര്‍
• എയര്‍ ചൈന - 15.3 ബില്ല്യണ്‍ ഡോളര്‍