കല്യാൺ ജൂവലേഴ്സിന്റെ വിറ്റു വരവ് 18,516 കോടി രൂപയിൽ നിന്ന് 25,045 കോടി രൂപയായി ഉയർന്നു.

കൊച്ചി : കഴിഞ്ഞ സാമ്പത്തിക വർഷത്തിൽ കല്യാൺ ജൂവലേഴ്‌സ് ഇന്ത്യ പ്രൈവറ്റ് ലിമിറ്റഡിന്റെ വിറ്റു വരവ് മുൻ വർഷത്തേക്കാൾ 18,516 കോടി രൂപയിൽ നിന്ന് 25,045 കോടി രൂപയായി ഉയർന്നു. വിറ്റു വരവിൽ 35% വർദ്ധനവ് ആണ് ഉണ്ടായത്. മൊത്ത ലാഭം 714 കോടി രൂപയാണ്. മുൻ വർഷത്തിൽ 596 കോടി രൂപയാണ്.

ജനുവരി മുതൽ മാർച്ചു വരെയുള്ള മൊത്തം വിറ്റു വരവിൽ 6,182 കോടിയായി ഉയർന്നു. 188 കോടി രൂപയാണ് ഇന്ത്യയിൽ നിന്ന് മാത്രം ലഭിക്കുന്ന ആകെ ലാഭം 185 കോടി രൂപയാണ്. ഗൾഫ് മേഖലയിൽ നാലാം പാദത്തിൽ കമ്പനിയുടെ വിറ്റു വരവ് 784കോടി രൂപയായി ഉയർന്നു. ഗൾഫ് മേഖലയിലെ ലാഭം 12കോടി രൂപയാണ്. കമ്പനിയുടെ ലൈഫ് സ്റ്റൈൽ ബ്രാൻഡായ കാൻഡിയറിന്റെ നാലാം പാദ വിറ്റു വരവ് 28കോടി രൂപയായെങ്കിലും 12 കോടി നഷ്ടം രേഖപ്പെടുത്തി. കഴിഞ്ഞ സാമ്പത്തിക വർഷത്തെ ഫലങ്ങൾ ഏറെ സംതൃപ്തി നൽകുന്നത് ആണെന്നതും നടപ്പു വർഷം വിവാഹ പാർച്ചേസുകളിലും അക്ഷയ തൃതിയ ദിനത്തിലും മികച്ച ഉണർവ് ഉണ്ടായെന്നും കല്യാൺ ജുവലേഴ്സ് എക്സികുട്ടീവ് ഡയറക്ടർ രമേശ് കല്യാൺ പറഞ്ഞു.