/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/08/20/doha-2025-08-20-17-59-43.jpg)
ദോഹ: ദോഹ മെട്രോയിലും ലുസെയ്ല്‍ ട്രാമിലും യാത്ര ചെയ്യാന്‍ 365 ദിവസം കാലാവധിയുള്ള പുതിയ മെട്രോപാസ് പുറത്തിറക്കി ഖത്തര്‍ റെയില്‍. 990 റിയാല്‍ നിരക്കില്‍ ലഭ്യമാകുന്ന ഈ വാര്‍ഷിക പാസ് ഉപയോഗിച്ച് ദോഹ മെട്രോയിലും ലുസൈല്‍ ട്രാമിലും 365 ദിവസ കാലയളവില്‍ പരിധിയില്ലാതെ യാത്ര ചെയ്യാം.
കമ്പനിയുടെ ഏര്‍ലി ബേര്‍ഡ് പ്രമോഷന്റെ ഭാഗമായാണ് ഈ ഓഫര്‍. ഖത്തറിലെ സ്‌കൂള്‍ സാമഗ്രികള്‍ വിതരണം ചെയ്യുന്ന സ്ഥാപനങ്ങളുമായി സഹകരിച്ച് ഖത്തര്‍ റെയില്‍ സംഘടിപ്പിക്കുന്ന രണ്ടാമത് 'ബാക്ക് ടു സ്‌കൂള്‍' പരിപാടിയോടനുബന്ധിച്ചാണ് പുതിയ മെട്രോപാസ് പുറത്തിറക്കിയത്.
ദോഹ മെട്രോയുടെ ഗോള്‍ഡ് ലൈനിലെ സ്‌പോര്‍ട് സിറ്റി സ്റ്റേഷനിലാണ് സെപ്റ്റംബര്‍ രണ്ടുവരെ തുടരുന്ന 'ബാക്ക് ടു സ്‌കൂള്‍' പരിപാടി നടക്കുന്നത്. പ്രവര്‍ത്തി ദിവസങ്ങളില്‍ വൈകിട്ട് നാല് മുതല്‍ രാത്രി എട്ട് വരെയും വാരാന്ത്യങ്ങളില്‍ രാത്രി ഒമ്പത് വരെയുമാണ് 'ബാക്ക് ടു സ്‌കൂള്‍ ഇവന്റ്' നടക്കുക.
ഇവന്റിലേക്ക് എത്തുന്ന സന്ദര്‍ശകര്‍ക്ക് പ്രത്യേക ഏര്‍ളി ബേര്‍ഡ് പ്രമോഷന്‍ ഓഫറിന്റെ ഭാഗമായി മെട്രോ പാസ് 20 ശതമാനം ഇളവോട് കൂടി നേരത്തെ ബുക്ക് ചെയ്യാം. ആഗസ്റ്റ് 31 വരെ പരിപാടി നടക്കുന്ന സ്ഥലത്ത് നിന്ന് മാത്രമായിരിക്കും ഏര്‍ളി ബേര്‍ഡ് വൗച്ചറുകള്‍ ലഭിക്കുക. സെപ്റ്റംബര്‍ ഒന്നിനും 30 നും ഇടയില്‍ ഏതെങ്കിലും ദോഹ മെട്രോ ഗോള്‍ഡ് ക്ലബ് ഓഫീസില്‍ നിന്നോ ലുസെയ്ല്‍ ട്രാം ടിക്കറ്റിങ് ഓഫീസില്‍ നിന്നോ ഒറിജിനല്‍ വൗച്ചര്‍ കാണിച്ച് മെട്രോ പാസില്‍ ഇളവ് നേടാം.