കുതിച്ചുയര്‍ന്ന് ഓഹരി വിപണി; 79,000 പിന്നിട്ട് സെന്‍സെക്‌സ് സൂചിക

ന്യൂഡല്‍ഹി: വീണ്ടും കുതിച്ചുയര്‍ന്ന് സെന്‍സെക്‌സ്. ചരിത്രത്തിലാദ്യമായി ബിഎസ്ഇ സെന്‍സെക്സ് 79,000 പിന്നിട്ടു. നിഫ്റ്റിയാകട്ടെ 24,000 നിലവാരത്തിന് അടുത്തെത്തുകയും ചെയ്തു. വന്‍കിട ഓഹരികളിലെ മുന്നേറ്റമാണ് സൂചികകളുടെ മുന്നേറ്റത്തിന് കാരണമെന്നാണ് വിലയിരുത്തല്‍. 

ഇന്ത്യാ സിമെന്റ്സിന്റെ 20 ശതമാനം ഓഹരികള്‍ സ്വന്തമാക്കിയതോടെ അള്‍ട്രടെക് സിമെന്റിന്റെ ഓഹരി വില നാല് ശതമാനം കുതിച്ചു. റിലയന്‍സ് ഇന്‍ഡസ്ട്രീസ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് എന്നീ ഓഹരികളാണ് നിഫ്റ്റിയുടെ മുന്നേറ്റത്തിന് കാരണമായത്. മിഡ്, സ്മോള്‍ ക്യാപ് സൂചികകളിലും സമാനമായ മുന്നേറ്റം പ്രകടമാണ്. സെക്ടറല്‍ സൂചികകളിലാകട്ടെ ബാങ്ക്, എഫ്എംസിജി, മെറ്റല്‍, ഫാര്‍മ തുടങ്ങിയവയാണ് നേട്ടത്തില്‍ മുന്നില്‍.