അക്ബര്‍ ട്രാവല്‍സ് ചെയര്‍മാന്‍ ഡോ. കെ.വി. അബ്ദുല്‍ നാസറിന് ഷെയ്ഖ് സൈദ് ബിന്‍ സുല്‍ത്താന്‍ അല്‍ നഹ്യാന്‍ പുരസ്‌കാരം

മുംബൈ: 1994-ല്‍ കോഴിക്കോട് ആരംഭിച്ച ഇന്‍ഡോ-അറബ് കോണ്‍ഫെഡറേഷന്‍ തന്റെ മുപ്പതാം വാര്‍ഷിക ഗ്ലോബല്‍ NRI സംഗമം താനെയിലെ വാഗ്‌ളെ എസ്റ്റേറ്റിലെ ആര്‍ നെസ്റ്റ് ബാങ്ക്വറ്റ് ഹാളില്‍ സംഘടിപ്പിച്ചു.

മുന്‍ ഗോവയുടെയും മിസോറാമിന്റെയും ഗവര്‍ണറായ അഡ്വ. പി. എസ്. ശ്രീധരന്‍ പിള്ളൈക്ക്, കഴിഞ്ഞ അന്‍പത് വര്‍ഷങ്ങളായി സാംസ്‌കാരികവും സാമൂഹികവുമായ രംഗങ്ങളില്‍ നല്‍കിയ സംഭാവനകളെ മാനിച്ചു ആദരവ് നല്‍കി 

യാത്രയും വിനോദസഞ്ചാരവുമേഖലയിലേക്കുള്ള മികച്ച സംഭാവനകളെ മാനിച്ച് അക്ബര്‍ ഗ്രൂപ്പ് ഓഫ് കമ്പനീസ് സ്ഥാപകനും ചെയര്‍മാനുമായ ഡോ. കെ.വി. അബ്ദുല്‍ നാസറിനെ 'ഷെയ്ഖ് സൈദ് ബിന്‍ സുല്‍ത്താന്‍ അല്‍ നഹ്യാന്‍ പുരസ്‌കാരത്തില്‍' പങ്കാളിയാക്കി ആദരിച്ചു.

ചടങ്ങില്‍ നിയമസഭാ അംഗം നിരഞ്ജന്‍ ധാവ്കറെ, , ലയണ്‍ കുമാരന്‍ നായര്‍ എന്നിവര്‍ പങ്കെടുത്തു.

കലാപരിപാടികളുടെ ഭാഗമായി താര വര്‍മ്മ അവതരിപ്പിച്ച ഹിന്ദി ഭാഷയിലെ 'പൂതനാമോക്ഷം' കഥകളിയും, നെടുമ്പള്ളി കൃഷ്ണമോഹന്‍ അവതരിപ്പിച്ച മ്യൂസിക് ഫ്യൂഷനും അരങ്ങേറി.

സംഘടനാ പ്രസിഡന്റ് അഡ്വ. പി.ആര്‍. രാജ്കുമാര്‍ അധ്യക്ഷനായിരുന്നു. ശ്രീകാന്ത് നായര്‍ സ്വാഗതവും മാളിയേക്കല്‍ കോയ നന്ദിയും അറിയിച്ചു.