/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/02/19/Jwd2Gg8JRfOWntAqdrnS.jpg)
കൊല്ലം: വാടക വീട് കേന്ദ്രീകരിച്ച് വ്യാപകമായി കഞ്ചാവ് വില്‍പ്പന നടത്തിവന്ന യുവാക്കളെ എക്‌സൈസ് പിടികൂടി. കൊല്ലം മുണ്ടയ്ക്കല്‍ ഈസ്റ്റ് വില്ലേജില്‍ അരുണ്‍ കോട്ടേജില്‍ ഡിവൈന്‍ (29) ,മുണ്ടക്കല്‍ മേലാച്ചുവിള പടിഞ്ഞാറ്റതില്‍ വീട്ടില്‍ നന്ദു (23), മുണ്ടക്കല്‍ കച്ചിക്കടവ് മലയാറ്റുകിഴക്കതില്‍ വീട്ടില്‍ സുധീശന്‍ മകന്‍ സച്ചു എന്ന് വിളിക്കുന്ന സുബിന്‍ (29) എന്നിവരെയാണ് കൊല്ലം എക്‌സൈസ് റേഞ്ച് സംഘം അറസ്റ്റ് ചെയ്തത്.
ഇവരില്‍ നിന്നും 1.500 കിലോ കഞ്ചാവ് പിടിച്ചെടുത്തു.
പ്രതി വാടകയ്ക്ക് താമസിച്ചുവന്നിരുന്ന കൊല്ലം മുണ്ടയ്ക്കല്‍ കുന്നത്തുകാവ് നഗര്‍ ദിയ ഹൗസിലെ ഇരുനില കെട്ടിടത്തിന്റെ മുകളിലത്തെ നിലയിലെ കിടപ്പുമുറിയില്‍ സൂക്ഷിച്ച നിലയിലായിരുന്നു കഞ്ചാവ് കണ്ടെത്തിയത്.
കൊല്ലം താലൂക്കിലൊട്ടാകെ കഞ്ചാവ് വിതരണം നടത്തുന്ന ലോബിയിലെ പ്രധാന കണ്ണിയാണ് അറസ്റ്റിലായ ഡിവൈന്‍ എന്ന് എക്‌സൈസ് ഉദ്യോഗസ്ഥര്‍ പറഞ്ഞു. 50 ഗ്രാം കഞ്ചാവ് ചെറു പായ്ക്കറ്റുകളിലാക്കി ഒരു പായ്ക്കറ്റ് 2,000 രൂപയ്ക്കാണ് കോളേജ് വിദ്യാര്‍ഥികള്‍ക്ക് ഉള്‍പ്പെടെ വില്പന നടത്തിയിരുന്നത്.
കൊല്ലം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം കൃഷ്ണകുമാറിന്റെ നേതൃത്വത്തില്‍ നടത്തിയ റെയ്ഡില്‍ ഗ്രേഡ് അസിസ്റ്റന്റ് എക്‌സൈസ് ഇന്‍സ്‌പെക്ടര്‍മാരായ എ. ഷഹാലുദ്ദീന്‍, ജി.ശ്രീകുമാര്‍ , എസ്.ബിനുലാല്‍ ഗ്രേഡ് പ്രിവന്റ്റീവ് ഓഫീസര്‍ ടി ആര്‍.ജ്യോതി , സിവില്‍ എക്‌സൈസ് ഓഫീസര്‍മാരായ എസ്. സാലിം , ഗോകുല്‍ ഗോപന്‍ ,ആസിഫ് അഹമ്മദ് ആദില്‍ ഷാ, പ്രതീഷ് പി നായര്‍, വനിത സിവില്‍ എക്‌സൈസ് ഓഫീസര്‍മാരായ എല്‍.പ്രിയങ്ക,ജി. ട്രീസ എന്നിവര്‍ പങ്കെടുത്തു.