ഇന്‍ഡോര്‍ ദമ്പതികള്‍ കണാതായ സംഭവം പുതിയ സിസിടിവി ദൃശ്യങ്ങള്‍ പുറത്ത്

മെയ് 23 ന് മേഘാലയയില്‍ നിന്ന് ദമ്പതികള്‍ കാണാതായ കേസില്‍ തെളിവായി പുതിയ സിസിടിവി ദൃശ്യങ്ങള്‍ പുറത്തുവന്നു .4 മിനിറ്റും 53 സെക്കന്‍ഡും ദൈര്‍ഘ്യമുള്ള വീഡിയോയില്‍, രാജയും സോനവും കറുത്ത ജാക്കറ്റുകള്‍ ധരിച്ച് ഒരു വെളുത്ത സ്യൂട്ട്‌കേസുമായി ഹോംസ്റ്റേയില്‍ എത്തുന്നതായി കാണാം. രജിസ്‌ട്രേഷന്‍ ഡെസ്‌കിലെ ജീവനക്കാരുമായി സംസാരിക്കാന്‍ രാജ അകത്തേക്ക് പോകുന്നതിനുമുമ്പ് ദമ്പതികള്‍ സാധാരണയായി പരസ്പരം ഇടപഴകുന്നത് കാണാം. സോനം തന്റെ ജാക്കറ്റ് അഴിച്ചുമാറ്റി മുടി ശരിയാക്കുന്നത് കാണാം. നിമിഷങ്ങള്‍ക്കുശേഷം, രാജ പുറത്തിറങ്ങി, സ്യൂട്ട്‌കേസില്‍ നിന്ന് കുറച്ച് സാധനങ്ങള്‍ എടുത്ത് സോനത്തിന് കൈമാറുന്നു. സിസിടിവി ദൃശ്യങ്ങളില്‍ സോനം ധരിച്ചിരിക്കുന്ന വെള്ള ഷര്‍ട്ട് പിന്നീട് രാജയുടെ മൃതദേഹത്തിന് സമീപം കണ്ടെത്തിയിരുന്നു.ദമ്പതികള്‍ കാണാതാകുന്നതിനു മുമ്പുളള ദൃശങ്ങളാണിത്.ദിവസങ്ങള്‍ക്ക് ശേഷം, ഭര്‍ത്താവ് രാജ സൂര്യവംശിയുടെ (29) മൃതദേഹം അവരുടെ ഹോംസ്റ്റേയില്‍ നിന്ന് 20 കിലോമീറ്റര്‍ അകലെയുള്ള ഒരു മലയിടുക്കില്‍ നിന്ന് കണ്ടെത്തി.രാജയുടെ മൃതദേഹം ഇന്‍ഡോറിലേക്ക് കൊണ്ടുവന്നെങ്കിലും, സോനത്തിനുവേണ്ടി സഹോദരന്‍ ഉള്‍പ്പടെ, കഴിഞ്ഞ 15 ദിവസമായി അവര്‍ക്കായുള്ള തിരച്ചില്‍ നടത്തി വരികയാണ്.