യുപിയിലെ മെട്രോ സ്റ്റേഷന് കീഴില്‍ ഉറങ്ങിക്കിടന്ന മൂന്ന് വയസ്സുകാരി ബലാത്സംഗത്തിനിരയായി

ലഖ്നൗ : യുപിയില്‍ മെട്രോസ്‌റ്റേഷന് താഴെ ഉറങ്ങിക്കിടന്ന മൂന്ന് വയസ്സുകാരി ബതാത്സംഗത്തിനിരയായി.പെണ്‍കുട്ടിയുടെ നില ഗുരുതരമായി തുടരുന്നു. ബുധനാഴ്ച രാത്രിയിലാണ് സംഭവം നടന്നത്.മാതാപിതാക്കള്‍ ഉറങ്ങിക്കിടക്കുമ്പോള്‍ പ്രതി പെണ്‍കുട്ടിയെ കൂട്ടിക്കൊണ്ടുപോയി ആളൊഴിഞ്ഞ സ്ഥലത്ത് വെച്ച് ബലാത്സംഗം ചെയ്യുകയായിരുന്നു.ഡെപ്യൂട്ടി പോലീസ് കമ്മീഷണര്‍  ആശിഷ് കുമാര്‍ ശ്രീവാസ്തവ് ഉള്‍പ്പെടെയുള്ള മുതിര്‍ന്ന ഉദ്യോഗസ്ഥര്‍ ബുധനാഴ്ച രാത്രി തന്നെ കുറ്റകൃത്യം നടന്ന സ്ഥലം പരിശോധിച്ചു. പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു, തുടര്‍ന്ന് ചികിത്സയ്ക്കായി  മെഡിക്കല്‍ സെന്ററിലേക്ക് റഫര്‍ ചെയ്തു. അലംബാഗ് പോലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്, നിലവില്‍ തീവ്രമായ അന്വേഷണം നടക്കുന്നുണ്ട്. സംഭവത്തെക്കുറിച്ച് അന്വേഷിക്കാനും കുറ്റവാളിയെ അറസ്റ്റ് ചെയ്യാനും അഞ്ച് ടീമുകള്‍ രൂപീകരിച്ചിട്ടുണ്ട്. പ്രതിയെ തിരിച്ചറിയാന്‍ പോലീസ് സിസിടിവി ദൃശ്യങ്ങള്‍ സജീവമായി പരിശോധിച്ചുവരികയാണ്.