തൃപ്പൂണിത്തുറയില്‍ യുവാവ് കൊല്ലപ്പെട്ട നിലയില്‍

കൊച്ചി: തൃപ്പൂണിത്തുറ എരൂരില്‍ യുവാവിനെ കൊല്ലപ്പെട്ട നിലയില്‍ കണ്ടെത്തി. എരൂര്‍ പെരീക്കാട്  സനല്‍ (തമ്പി43) ആണ്  മരിച്ചത്. മദ്യപാനത്തിന് ഇടയിലുണ്ടായ തര്‍ക്കം മൂലമാണ് കൊലപാതകമെന്നാണ്  പ്രാഥമിക നിഗമനം. സംഭവത്തില്‍ സനലിന്റെ സുഹൃത്തുക്കളിലൊരാളെ കസ്റ്റഡിയിലെടുത്തു. ഒരാള്‍ ഒളിവിലാണ്.

ഇന്നു പുലര്‍ച്ചെ 2 മണിയോടെ സ്ഥലത്ത് സംഘര്‍ഷം നടക്കുന്നെന്ന വിവരത്തിന്റെ അടിസ്ഥാനത്തില്‍ എത്തിയ പൊലീസാണ് സനലിന്റെ മൃതദേഹം കണ്ടെത്തിയത്. മുഖം മുഴുവന്‍ ചെളി നിറഞ്ഞ നിലയിലായിരുന്നു. തോട്ടില്‍ ചവിട്ടി താഴ്ത്തിയത് ആണോ എന്ന് സംശയമുണ്ടെന്ന് പൊലീസ് വൃത്തങ്ങള്‍ പറഞ്ഞു.