വാലന്റൈന്‍സ് ഡേ ഓഫറുമായി ഇന്‍ഡിഗോ

മുംബൈ: രാജ്യത്തെ ബജറ്റ് എയര്‍ലൈനായ ഇന്‍ഡിഗോ യാത്രക്കാര്‍ക്കായി വമ്പന്‍ ഡിസ്‌കൗണ്ട് ഒരുക്കുന്നു. വാലന്റൈന്‍സ് ഡേ അനുബന്ധിച്ചാണ് ഓഫര്‍ വാഗ്ദാനം ചെയ്യുന്നത്. പ്രണയിതാക്കള്‍ക്ക്, അല്ലെങ്കില്‍ കപ്പിള്‍സിനാണ് ഓഫര്‍ ബാധകമാകുക. അതായത് ഒരുമിച്ച് രണ്ട് ടിക്കറ്റുകള്‍ ബുക്ക് ചെയ്താല്‍ ഈ ഓഫര്‍ ലഭിക്കും. അടിസ്ഥാന നിരക്കില്‍ 50% വരെ ഇളവാണ് എയര്‍ലൈന്‍ വാഗ്ദാനം ചെയ്യുന്നത്. ഫെബ്രുവരി 12  മുതല്‍ 16 വരെ മാത്രമായിരിക്കും ഈ ഓഫര്‍ നിലനില്‍ക്കുക. 

വാലന്റൈന്‍സ് ഡേ വില്പന പ്രകാരം ടിക്കറ്റ് ബുക്ക് ചെയ്യുമ്പോള്‍ യാത്രാ തീയതികള്‍ ബുക്കിംഗ് തീയതി കഴിഞ്ഞ് കുറഞ്ഞത് 15 ദിവസമെങ്കിലും കഴിഞ്ഞിട്ടുള്ളതായിരിക്കണം. തിരഞ്ഞെടുത്ത ആഭ്യന്തര, അന്തര്‍ദേശീയ റൂട്ടുകളില്‍ മാത്രമായിരിക്കും ഓഫര്‍ ലഭ്യമാകുക. ഇന്‍ഡിഗോയുടെ വെബ്‌സൈറ്റ്, മൊബൈല്‍ ആപ്പ് എന്നിവ വഴി ടിക്കറ്റ് ബുക്ക് ചെയ്യാവുന്നതാണ്.  

ഇത് കൂടാതെ, ഫെബ്രുവരി 14-ന് ഇന്‍ഡിഗോ ഒരു ഫ്‌ലാഷ് സെയില്‍ സംഘടിപ്പിക്കുണ്ട്. ഇതുപ്രകാരം, ഇന്‍ഡിഗോയുടെ വെബ്സൈറ്റ് വഴിയോ മൊബൈല്‍ ആപ്പ് വഴിയോ ടിക്കറ്റ് ബുക്ക് ചെയ്യുന്ന ആദ്യത്തെ 500 പേര്‍ക്ക് 10% അധിക കിഴിവ് നല്‍കുന്നു.

മാത്രമല്ല, ഭക്ഷണം മുന്‍കൂട്ടി ബുക്ക് ചെയ്താല്‍ 10% കിഴിവും എയര്‍ലൈന്‍ വാഗ്ദാനം ചെയ്യുന്നു, കൂടാതെ,  നിര്‍ദ്ദിഷ്ട റൂട്ടുകളിലെ ആഭ്യന്തര, അന്തര്‍ദേശീയ ഫ്‌ലൈറ്റുകള്‍ക്ക് പ്രീ-പെയ്ഡ് ബാഗേജുകള്‍ക്ക് 15% വരെ കിഴിവ് ലഭിക്കും, കൂടാതെ ഇഷ്ടമുള്ള സീറ്റ് തിരഞ്ഞെടുക്കുന്ന യാത്രക്കാര്‍ക്ക് അതിനു നല്‍കുന്ന ഫീസില്‍ 15% കിഴിവും ലഭിക്കും.  വിശദ വിവരങ്ങള്‍ക്ക് ഇന്‍ഡിഗോ എയര്‍ലൈന്‍സിന്റെ വെബ്‌സൈറ്റ് സന്ദര്‍ശിക്കുക.