ബിഹാറില്‍ ഇന്ന് അവസാന ഘട്ട പോളിംഗ്; 3.7 കോടി വോട്ടര്‍മാര്‍

ന്യൂഡല്‍ഹി: കനത്ത സുരക്ഷയില്‍ ബിഹാറില്‍ ഇന്ന് അവസാനഘട്ട വോട്ടെടുപ്പ് നടക്കും. 20 ജില്ലകളിലെ 122 മണ്ഡലങ്ങളിലാണ് രണ്ടാം ഘട്ട പോളിംഗ് നടക്കുന്നത്. 1302 സ്ഥാനാര്‍ത്ഥികളാണ് മത്സര രംഗത്തുള്ളത്. 45,339 പോളിംഗ് സ്റ്റേറ്റിനുകളാണ് ക്രമീകരിച്ചിരിക്കുന്നത്. 3.7 കോടി വോട്ടര്‍മാര്‍ ആണ് വിധിയെഴുതുന്നത്. രാവിലെ ഏഴ് മണി മുതല്‍ വൈകിട്ട് അഞ്ചുമണിവരെയാണ് പോളിംഗ്.

രാജ്യ തലസ്ഥാനത്തുണ്ടായ ഉഗ്രസ്‌ഫോടനത്തിന് പിന്നാലെ ബൂത്തുകളില്‍ കനത്ത സുരക്ഷയാണ് ഏര്‍പ്പെടുത്തിയിട്ടുള്ളത്. പോളിംഗിന് പിന്നാലെ എക്‌സിറ്റ് പോള്‍ ഫലങ്ങളും വൈകുന്നേരത്തോടെ പുറത്ത് വരും. ആദ്യഘട്ടത്തിലേത് പോലെ തന്നെ ഈ ഘട്ടത്തിലും മികച്ച പോളിംഗ് നടക്കുമെന്നാണ് രാഷ്ട്രീയ പാര്‍ട്ടികളുടെ പ്രതീക്ഷ. ഒന്നാം ഘട്ടത്തില്‍ 64.66 ശതമാനം പോളിംഗ് ആണ് രേഖപ്പെടുത്തിയത്.