വിസ കച്ചവടത്തിന് തടയിടാൻ കുവൈത്ത്; രണ്ട് മാസത്തിനുള്ളിൽ 'ഫ്രീലാൻസ് വിസ' വരുന്നു

കുവൈത്ത് സിറ്റി: കുവൈത്തിലെ തൊഴിൽ വിപണിയിൽ വിപ്ലവകരമായ മാറ്റങ്ങൾ ലക്ഷ്യമിട്ട് പുതിയ 'ഫ്രീലാൻസ് വർക്ക്' (Freelance Work) വിസ പദ്ധതി പ്രഖ്യാപിച്ചു. വിസ കച്ചവടം പൂർണ്ണമായും ഇല്ലാതാക്കുക എന്ന ലക്ഷ്യത്തോടെ ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫ് അൽ-സബാഹ് ആണ് ഈ സുപ്രധാന തീരുമാനം അറിയിച്ചത്.

അടുത്ത രണ്ട് മാസത്തിനുള്ളിൽ പദ്ധതിയുടെ അന്തിമരൂപം പ്രഖ്യാപിക്കുമെന്നും ഇതിനായുള്ള ചർച്ചകൾ പുരോഗമിക്കുകയാണെന്നും മന്ത്രി വ്യക്തമാക്കി. ഫീസ് നിരക്ക്: ഫ്രീലാൻസ് വിസക്കായി ഒരാൾക്ക് 750 മുതൽ 1000 കുവൈത്ത് ദിനാർ വരെയാകും ഫീസ് ഈടാക്കുക.

വിസ ഇടപാടുകാർക്കും ഇടനിലക്കാർക്കും ലഭിച്ചിരുന്ന തുക ഇനി മുതൽ നേരിട്ട് രാജ്യത്തിന്റെ ഖജനാവിലേക്ക് എത്തും. വിസ കച്ചവടം തടയുക, തൊഴിൽ വിപണി കൂടുതൽ സുതാര്യമായി ക്രമീകരിക്കുക.

നിലവിൽ വിവിധ മന്ത്രാലയങ്ങളുമായി ചേർന്ന് ഇതിന്റെ നിയമവശങ്ങൾ ചർച്ച ചെയ്തു വരികയാണ്. രണ്ട് മാസത്തിനുള്ളിൽ ഔദ്യോഗിക വിജ്ഞാപനം പ്രതീക്ഷിക്കാം. കുവൈത്തിൽ സ്വതന്ത്രമായി ജോലി ചെയ്യാൻ ആഗ്രഹിക്കുന്ന പ്രവാസികൾക്കും ഈ നിയമം വലിയ ആശ്വാസമാകുമെന്നാണ് കരുതപ്പെടുന്നത്. സ്പോൺസർമാരുടെ ചൂഷണത്തിന് അന്ത്യം കുറിക്കാനും സ്വന്തം നിലയിൽ തൊഴിൽ ചെയ്യാനുള്ള നിയമപരമായ സാഹചര്യം ഒരുക്കാനും ഇതിലൂടെ സാധിക്കും.