കെട്ടിടത്തിൽ നിന്ന് വീണ് ഇന്ത്യൻ സ്‌കൂൾ വിദ്യാർത്ഥി മരിച്ചു

മസ്കത്ത്- മസ്‌കറ്റിലെ ഒരു റെസിഡൻഷ്യൽ അപ്പാർട്ട്‌മെന്റ് കെട്ടിടത്തിൽ നിന്ന് വീണ് 12 വയസ്സുള്ള ഇന്ത്യൻ വിദ്യാർത്ഥിയെ മരിച്ച നിലയിൽ കണ്ടെത്തിയതായി അധികൃതർ അറിയിച്ചു. ഇടുക്കി ജില്ലയിലെ തൊടുപുഴയ്ക്കടുത്തുള്ള ഉടുമ്പന്നൂർ സ്വദേശികളായ ജോർജ്ജ് മെക്കാട്ടിൽ ബിനുവിന്റെയും ബിന്ദു ജോർജിന്റെയും മകനായ ബേസിൽ ജോർജ് ആണ് മരണപ്പെട്ടത്.

ഇന്ത്യൻ സ്‌കൂൾ വാദി കബീറിൽ ഏഴാം ക്ലാസ് വിദ്യാർത്ഥിയായിരുന്നു ,ബേസിൽ ജോർജ്. വാദി കബീറിലെ ഒരു അപ്പാർട്ട്‌മെന്റ് കെട്ടിടത്തിലാണ് സംഭവം. സംഭവത്തെ കുറിച്ചുള്ള സാഹചര്യങ്ങൾ കണ്ടെത്താൻ അന്വേഷണം തുടരുകയാണെന്ന് ഉദ്യോഗസ്ഥർ പറഞ്ഞു.

സ്കൂൾ ഹൗസിന്റെ ഡെപ്യൂട്ടി ഹെഡ് ആയി പ്രവർത്തിക്കുകയും, അക്കാദമിക്, മറ്റു കരിക്കുലർ പ്രവർത്തനങ്ങളിൽ സജീവമായി പങ്കെടുക്കുകയും ചെയ്യുന്ന മിടുക്കനായ വിദ്യാർത്ഥിയായിരുന്നു ബേസിൽ എന്ന് സ്കൂൾ അധികൃതർ അനനുസ്മരിച്ചു. ദുഃഖാർത്തരായ കുടുംബങ്ങൾക്ക് എല്ലാ വിധ പിന്തുണയും, അനുശോചനവും അറിയിക്കുന്നതായും മാനേജ്‌മെന്റ് അറിയിച്ചു. മൃതദേഹം മസ്കറ്റിൽ സംസ്കരിച്ചതായി കുടുംബം അറിയിച്ചു. റിപ്പോർട്ട് -ശാഫി എം.കെ