/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/08/25/uae-2025-08-25-16-08-33.jpg)
ബഷീര്‍ വടകര
അബുദാബി: 2025-26 അധ്യയന വര്‍ഷത്തേക്കുള്ള പുതിയ ഏകീകൃത സ്‌കൂള്‍ കലണ്ടര്‍ യു.എ.ഇ. വിദ്യാഭ്യാസ മന്ത്രാലയം പ്രഖ്യാപിച്ചു.
ഇത് രാജ്യത്തെ എല്ലാ പൊതു, സ്വകാര്യ സ്‌കൂളുകള്‍ക്കും ബാധകമാണ്. പുതിയ കലണ്ടര്‍ പ്രകാരം ക്ലാസുകള്‍ ആഗസ്റ്റ് 25, (2025)-ന് ആരംഭിച്ച് ജൂലൈ 3, (2026 )-ന് അവസാനിക്കും,
ഷാര്‍ജയിലെ ചില സ്‌കൂളുകളില്‍ ജൂലൈ 2-ന് അവസാനിക്കുന്നതായി അധികൃതര്‍ അറിയിച്ചു.
എല്ലാ സ്‌കൂളുകളും കുറഞ്ഞത് 182 അധ്യാപന ദിനങ്ങള്‍ പൂര്‍ത്തിയാക്കേണ്ടതാണ്.
പാഠഭാഗങ്ങള്‍ സംബന്ധിച്ച്;
പാഠഭാഗം 1 (ശീതകാല പാഠഭാഗം) ആഗസ്റ്റ് 25-ന് ആരംഭിച്ച് ഡിസംബര്‍ 7, 2025-ന് അവസാനിക്കുന്നു. മദ്ധ്യ വേനല്‍ അവധി ഒക്ടോബര്‍ 13-19 ഇടയിലാണ്,
ശീതകാല അവധി ഡിസംബര്‍ 8 മുതല്‍ ജനുവരി 4 വരെ നീളും.
പാഠഭാഗം 2 (വസന്തകാല പാഠഭാഗം) ജനുവരി 5, 2026-ന് ആരംഭിച്ച് മാര്‍ച്ച് 15-ന് അവസാനിക്കും.
മദ്ധ്യ-പാഠഭാഗ അവധി ഫെബ്രുവരി 11-15 ഇടെയാണ്. വസന്ത അവധി മാര്‍ച്ച് 16-29 വരെ നീളുന്നു, ചില ഷാര്‍ജ സ്‌കൂളുകള്‍ 23-ന് തന്നെ തുറക്കും.
പാഠഭാഗം 3 (വേനല്‍കാല പാഠഭാഗം) മാര്‍ച്ച് 30-ന് ആരംഭിച്ച് ജൂലൈ 3-ന് അവസാനിക്കും. മദ്ധ്യ-പാഠഭാഗ അവധി (ഈദ് അല്‍ അദ്ഹ) മേയ് 25-31 കാലയളവിലാണ്.
പുതിയ കലണ്ടറില്‍ മതപരമായ പൊതു അവധികളും ഉള്‍പ്പെടുത്തിയിട്ടുണ്ട്. ഈദ് അല്‍ ഫിത്തര്‍ മാര്‍ച്ചില്‍ വസന്ത അവധിക്കുള്ളില്‍ വരുന്നു, അതിനാല്‍ വിദ്യാര്‍ത്ഥികള്‍ക്കും കുടുംബങ്ങളള്‍ക്കും മുന്‍ സമയ ക്രമത്തെ അപേക്ഷിച്ച് ഈദ് ആഘോഷങ്ങള്‍ സൗകര്യപ്രദമാക്കുന്നുണ്ട്.
ഈദ് അല്‍ അദ്ഹ മേയ് അവസാനം വരും, പരീക്ഷാ കാലയളവിനോടൊപ്പം ഒത്തുചേരുന്നതിനാല്‍ തത് വിഷയത്തില്‍ സ്‌കൂളുകള്‍ പ്രത്യേക ക്രമീകരണം നിര്‍വഹിക്കും.
വിദ്യാര്‍ത്ഥികളെ സംബന്ധിച്ച്, സ്‌കൂളുകള്‍ ചില നിരോധിത പ്രവര്‍ത്തനങ്ങള്‍ കരശനമാക്കിയതായ് അധികൃതര അറിയിച്ചിട്ടുണ്ട്
വ്യക്തമാക്കിയിട്ടുണ്ട്.
ക്ലാസുകള്‍ ഒഴിവാക്കുക, ക്യാമ്പസില്‍ പുകവലി അല്ലെങ്കില്‍ നിരോധിത വസ്തുക്കള്‍ കൊണ്ടുവരല്‍, അധ്യാപകരെയോ കൂട്ടുകാരെയോ വാക്കാലോ ശാരീരികമായി ആക്രമിക്കല്‍, സ്‌കൂള്‍ സ്വത്തുക്കള്‍ നശിപ്പിക്കല്‍, ഔദ്യോഗിക രേഖകള്‍ വ്യാജമാക്കല്‍, മോഷ്ടിക്കല്‍, യൂണിഫോം ധരിക്കാതിരിക്കുക, മൊബൈല്‍ ഫോണ്‍ കൊണ്ടുവരല്‍ എന്നിവ ഉള്‍പ്പെടുന്നു. ഇത്തരത്തിലുള്ള ലംഘനങ്ങള്‍ അച്ചടക്ക നടപടിക്ക് കാരണമാകും, ചില സംഭവങ്ങളില്‍ നിയമപാലകരിലേക്ക് കൈമാറപ്പെടും.
രക്ഷിതാക്കള്‍ക്കും ഡ്രൈവര്‍മാര്‍ക്കും പിക്കപ്പ്, ഡ്രോപ്പ് സമയത്ത് സുരക്ഷിതമായ രീതികള്‍ പാലിക്കണമെന്നും, തിരക്ക് കുറയ്ക്കാനും നിര്‍ദ്ദേശം നല്‍കിയിട്ടുണ്ട്. ഒന്നില്‍ കൂടുതല്‍ കുട്ടികളുള്ള കുടുംബങ്ങള്‍ എല്ലാ കുട്ടികളെയും ഏറ്റവും ചെറിയ കുട്ടിയുടെ നിയുക്ത കളക്ഷന്‍ പോയിന്റില്‍ നിന്ന് ശേഖരിക്കണം.
സ്‌കൂള്‍ കോമ്പൗണ്ടിനകത്ത് ഒരേ സമയം ഒരു രക്ഷിതാവിനേ പ്രവേശനം അനുവദിക്കുകയുള്ളൂ. സാനിറ്ററി അകലം പാലിക്കുകയും സ്‌കൂള്‍ നിശ്ചയിച്ച പ്രവേശന പുറപ്പെടല്‍ സമയങ്ങള്‍ കര്‍ശനമായി പാലിക്കുകയും വേണം. സ്‌കൂള്‍ ബസുകള്‍ 'STOP' ബോര്‍ഡ് ഉയര്‍ത്തുമ്പോള്‍ സമീപമുള്ള വാഹനങ്ങള്‍ നിര്‍ത്തണം. ലംഘനങ്ങള്‍ സ്വയം രേഖപ്പെടുത്തപ്പെടുകയും, പിഴകള്‍ ഉടന്‍ ചുമത്തുകയും ചെയ്യും.
വിശകലനപരമായി, പുതിയ കലണ്ടര്‍ ഏകീകരണം വിദ്യാര്‍ത്ഥികളുടെ പഠന നിലവാരം മെച്ചപ്പെടുത്തും, കര്‍ശന നിയന്ത്രണങ്ങള്‍ പെരുമാറ്റച്ചട്ടവും ക്യാമ്പസ് സുരക്ഷയും ഉറപ്പാക്കുമെന്ന് പൊതുവേ വിലയിരുത്തപ്പെട്ടു.
രക്ഷിതാക്കള്‍ക്കും ഡ്രൈവര്‍മാര്‍ക്കുംപെരുമാറ്റ ചട്ടത്തിന്റെ ഉത്തരവാദിത്വം കൂടുതല്‍ വ്യക്തമാക്കിയപ്പോള്‍ ട്രാഫിക് നിയന്ത്രണത്തിനും സഹായകരമാണ്.
മൊബൈല്‍ ഫോണുകള്‍ നിയന്ത്രിക്കുന്നതിലൂടെയും അദ്ധ്യയന കാര്യക്ഷമത കൂടുതല്‍ ഉയരുമെന്നും പ്രതീക്ഷിക്കുന്നു.