തായ്‌ലന്‍ഡില്‍ ട്രെയിനിന് മുകളില്‍ ക്രെയിന്‍ വീണ് 22 മരണം;നിരവധിപേർക്ക് പരിക്ക്

ബാങോക്ക്: തായ്‌ലൻഡിൽ ട്രെയിനിന് മുകളിൽ ക്രെയിൻ വീണ് 22 മരണം. 30ലേറേ പേർക്ക് പരിക്കേറ്റു.

അതിവേഗപാത നിർമാണത്തിനിടെ രാവിലെയാണ് അപകടം ഉണ്ടായത്.

 ബാങ്കോക്കിൽ നിന്ന് 230 കിലോമീറ്റർ അകലെ സിഖിയോ ജില്ലയിലാണ് സംഭവം.

അതിവേഗ നിർമാണപാതയുടെ ഭാഗമായി ഉപയോഗിച്ചിരുന്ന ക്രെയിൻ ആ വഴി പോകുകയായിരുന്ന ട്രെയിനിൽ വീഴുകയായിയിരുന്നു.

തുടർന്ന് ട്രെയിൻ പാളം തെറ്റുകയും തീപിടിത്തം ഉണ്ടാകുകയും ചെയ്തു.

തീ നിയന്ത്രണവിധേയമാക്കിയതായും രക്ഷാപ്രവർത്തനം പുരോഗമിക്കുന്നതായും പൊലീസ് അറിയിച്ചു.

 നിരവധി യാത്രക്കാർ ട്രെയിൻ ബോഗികൾക്കുള്ളിൽ കുടുങ്ങിക്കിടക്കുന്നതായാണ് റിപ്പോർട്ടുകൾ.