/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/yOnjsUkUGImCel3hmUYa.PNG)
ലാഹോര്‍: ഇമ്രാന്‍ ഖാന്‍ ജീവിച്ചിരിപ്പുണ്ടെന്നതിന്റെ തെളിവ് സര്‍ക്കാര്‍ പുറത്തുവിടണമെന്ന് മകന്‍ കാസിം ഖാന്‍. റാവല്‍പിണ്ടി ആദിയാല ജയിലില്‍ കഴിയുന്ന പാക്കിസ്ഥാന്‍ മുന്‍പ്രധാനമന്ത്രി ഇമ്രാന്‍ ഖാന്‍ (73) കൊല്ലപ്പെട്ടുവെന്ന അഭ്യൂഹങ്ങള്‍ ഏതാനും ദിവസമായി പ്രചരിക്കുന്നതിനിടയിലാണ് മകന്‍ സമൂഹമാധ്യമത്തിലൂടെ ഈ ആവശ്യമുന്നയിച്ചത്.
ഇമ്രാനെ സന്ദര്‍ശിക്കാന്‍ അനുവദിക്കണമെന്ന് ആവശ്യപ്പെട്ട് 3 സഹോദരിമാരും പാര്‍ട്ടി പ്രവര്‍ത്തകരും ഖൈബര്‍ പഖ്തൂണ്‍ഖ്വ പ്രവിശ്യയുടെ മുഖ്യമന്ത്രി സൊഹാലി അഫ്രിദിയും ജയിലിനു പുറത്ത് ഏതാനും ദിവസങ്ങളായി തങ്ങുകയാണ്.
അദ്ദേഹത്തിന് എന്തെങ്കിലും സംഭവിച്ചാല്‍ അതിനുത്തരവാദികളായവരുടെ രാജ്യത്തിനകത്തും പുറത്തുമുള്ള കുടുംബാംഗങ്ങളെയും വെറുതേവിടില്ലെന്ന് സഹോദരിമാര്‍ മുന്നറിയിപ്പ് നല്‍കി. സുരക്ഷാ കാര്യങ്ങള്‍ പരിശോധിച്ച ശേഷം അടുത്ത 2ന് ഇമ്രാന്‍ ഖാനെ കാണാന്‍ അവസരമൊരുക്കാമെന്ന് നിയമമന്ത്രി അഖീല്‍ മാലിക് പറഞ്ഞു.