പിന്നിൽ പാക് പ്രധാനമന്ത്രി, മോദിയെ പ്രശംസിച്ച് ട്രംപ്,മഹത്തായ രാജ്യം നയിക്കുന്നത് എൻ്റെ അടുത്ത സുഹൃത്ത്

തിങ്കളാഴ്ച ഈജിപ്തിൽ നടന്ന ഗാസ സമാധാന സമ്മേളനത്തിൽ ഇന്ത്യയെയും പ്രധാനമന്ത്രി നരേന്ദ്ര മോദിയെയും പ്രശംസിച്ച് യുഎസ് പ്രസിഡന്റ് ഡൊണാൾഡ് ട്രംപ്.

 ഇന്ത്യയും പാകിസ്ഥാനും ഇനി വളരെ നന്നായി ഒരുമിച്ച് ജീവിക്കുമെന്ന് അദ്ദേഹം പറഞ്ഞു. തുടർന്ന് വേദിയിൽ തന്റെ പിന്നിൽ നിന്നിരുന്ന പാകിസ്ഥാൻ പ്രധാനമന്ത്രി ഷഹബാസ് ഷെരീഫിനെ നോക്കി അദ്ദേഹം ചോദിച്ചു, "അല്ലേ?"

പാകിസ്ഥാൻ പ്രധാനമന്ത്രി ഷെരീഫ് ശരിയെന്ന് തലയാട്ടി.

ഇതോടെ ചടങ്ങിൽ സന്നിഹിതരായിരുന്ന നേതാക്കളും മാധ്യമങ്ങളും ചിരിച്ചു. വീഡിയോ സോഷ്യൽ മീഡിയയിൽ അതിവേഗം വൈറലായിക്കൊണ്ടിരിക്കുകയാണ്.തന്റെ പ്രസംഗത്തിൽ ട്രംപ് ക്യാമറകളെ നോക്കി പുഞ്ചിരിച്ചുകൊണ്ട് പറഞ്ഞു, "

എന്റെ വളരെ നല്ല സുഹൃത്ത് നേതൃത്വം വഹിക്കുന്ന ഇന്ത്യ ഒരു മികച്ച രാജ്യമാണ്. അദ്ദേഹം അതിശയകരമായ ജോലി ചെയ്തു.

 പാകിസ്ഥാനും ഇന്ത്യയും വളരെ നന്നായി ഒത്തുചേരുമെന്ന് ഞാൻ കരുതുന്നു."ട്രംപിന്റെ ഈ പ്രസ്താവന വളരെയധികം ശ്രദ്ധയാകർശിച്ചിരിക്കുകയാണ് .

ഇന്ത്യയും പാകിസ്ഥാനും തമ്മിലുണ്ടായതടക്കം ലോകത്തെ എട്ട് യുദ്ധങ്ങൾ അന്ത്യത്തിലെത്തിച്ചുവെന്നാണ് ട്രംപ് സമാധാന നോബേലിനുള്ള അവകാശവാദമായി പറയുന്നത്.

അതേസമയം പാകിസ്ഥാനുമായുള്ള സംഘർഷം അവസാനിച്ചത് പാകിസ്ഥാൻ അഭ്യർത്ഥിച്ചത് കൊണ്ടെന്നാണ് ഇന്ത്യ ആവർത്തിച്ച് പറയുന്നത്. ട്രംപിൻ്റെയും പാകിസ്ഥാൻ്റെയും വാദങ്ങൾ ഇന്ത്യ ശരിവച്ചിട്ടില്ല.