വിമാനത്തേക്കാള്‍ വേഗതയിൽ സഞ്ചരിക്കുന്ന പുതിയ മാഗ്‌ലെവ് ട്രെയിന്‍ അവതരിപ്പിച്ച് ചൈന

ഗതാഗതരംഗത്ത് പുതിയ നേട്ടം കൈവരിച്ച് ചൈന. അവരുടെ പുതിയ മാഗ്‌നെറ്റിക് ലെവിറ്റേഷന്‍ (മാഗ്‌ലെവ്) ട്രെയിന്‍ മണിക്കൂറില്‍ 600 കിലോമീറ്ററിലധികം വേഗതയാണ് കൈവരിക്കുന്നത്. ഇതോടെ ലോകത്തിലെ ഏറ്റവും വേഗതയേറിയ ഭൂതല ഗതാഗത മാര്‍ഗങ്ങളിലൊന്നായി ഈ ട്രെയിന്‍ മാറുന്നതിനൊപ്പം ഇത് പരമ്പരാഗത ഗതാഗത സംവിധാനത്തിലെ എല്ലാ നിയമങ്ങളെയും മാറ്റി എഴുതുന്നു. ചക്രങ്ങളോ ഘർഷണമോ ഇല്ലാതെയാണ് മാഗ് ലെവ് ട്രെയിനുകൾ സഞ്ചരിക്കുന്നത്. ട്രാക്കുമായി യാന്ത്രികമായ സ്പര്‍ശമില്ലാതെ കാന്തികബലത്തിന്റെ സഹായത്തോടെ മാഗ്‌ലെവ് ട്രെയിനുകള്‍ സഞ്ചരിക്കുന്നു. ഇതോടെ ചൈനീസ് നഗരങ്ങള്‍ക്കിടയിലെ യാത്രാ സമയം അതിവേഗം കുറയുമെന്ന് അധികൃതര്‍ അറിയിച്ചു. വിമാന യാത്രയേക്കാള്‍ വേഗതയേറിയതും സൗകര്യപ്രദവുമാകുമെന്നതാണ് ഇതിന്റെ പ്രത്യേകത.

ഏറ്റവും പുതിയതായി നടത്തിയ പരീക്ഷണത്തിൽ, ഈ മാഗ്ലെവ് ട്രെയിൻ വാക്വം ഇല്ലാത്ത അന്തരീക്ഷത്തിൽ 623 കിലോമീറ്റർ വേഗത കൈവരിക്കുന്നതായി തെളിയിച്ചു. ഷാനി പ്രവിശ്യാ സർക്കാരുമായി സഹകരിച്ച് ചൈന എയ്‌റോസ്‌പേസ് സയൻസ് ക്വാണ്ട് ഇൻഡസ്ട്രി കോർപ്പറേഷനാണ് ഈ പദ്ധതിക്ക് നേതൃത്വം നൽകുന്നത്. ചൈനയുടെ ഗതാഗതവിഭവ വിപ്ലവത്തിലെ പുതിയ അധ്യായമായി ഈ മാഗ്‌ലെവ് ട്രെയിന്‍ കരുതപ്പെടുന്നു.