/kalakaumudi/media/media_files/2025/01/13/FdjJcS5EdcCdoloos9SL.jpg)
ടോക്കിയോ: ജപ്പാനില് വന് ഭൂകമ്പം. റിക്ടര് സ്കെയിലില് 6.9 തീവ്രത രേഖപ്പെടുത്തി. ക്യൂഷു മേഖലയിലാണ് ഭൂകമ്പം റിപ്പോര്ട്ട് ചെയ്തിരിക്കുന്നത്. 37 കിലോമീറ്റര് ആഴത്തിലാണ് ഭൂകമ്പം ഉണ്ടായിരിക്കുന്നത്. ഹ്യൂഗ-നാഡ കടലിലാണ് ഭൂകമ്പം റിപ്പോര്ട്ട് ചെയ്തിരിക്കുന്നത്. പല പ്രദേശങ്ങളിലും അധികൃതര് സുനാമി മുന്നറിയിപ്പ് നല്കി.
നാശനഷ്ടങ്ങളോ ആളപായമോ റിപ്പോര്ട്ട് ചെയ്തിട്ടില്ല. കഴിഞ്ഞ വര്ഷം ഓഗസ്റ്റ് 8ന് ക്യൂഷു, ഷിക്കോകു എന്നീ ജപ്പാന്റെ തെക്കുപടിഞ്ഞാറന് ദ്വീപുകളില് 6.9, 7.1 എന്നിങ്ങനെ തീവ്രത രേഖപ്പെടുത്തിയ രണ്ട് ശക്തമായ ഭൂകമ്പങ്ങള് ഉണ്ടായിരുന്നു. അടുത്തിടെ ടിബറ്റിലുണ്ടായ ശക്തമായ ഭൂകമ്പത്തില് നിരവധി പേര് മരിക്കുകയും വന് നാശനഷ്ടങ്ങള് റിപ്പോര്ട്ട് ചെയ്യുകയും ചെയ്തിരുന്നു. റിക്ടര് സ്കെയിലില് 7.1 തീവ്രത രേഖപ്പെടുത്തിയിരുന്നു.