/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/01/musk-2025-12-01-17-55-36.jpg)
ന്യൂയോര്ക്ക്: ഇന്ത്യയുമായി തനിക്കുള്ള അധികമാരും അറിയാത്ത ബന്ധത്തെ കുറിച്ച് വെളിപ്പെടുത്തി ശതകോടീശ്വരനും ടെസ്ല സിഇഒയുമായ ഇലോണ് മസ്ക്. തന്റെ ജീവിത പങ്കാളിയായ ഷിവോണ് സിലിസ് പാതി ഇന്ത്യക്കാരിയാണെന്നാണ് ഇലോണ് മസ്ക് വെളിപ്പെടുത്തിയിരിക്കുന്നത്. സെറോദ സഹസ്ഥാപകനായ നിഖില് കാമത്തിന്റെ പോഡ്കാസ്റ്റ് ഷോയില് സംസാരിക്കുകയായിരുന്നു അദ്ദേഹം.
സിലിസിലുള്ള ഒരു മകന്റെ മിഡില് നെയിം നൊബേല് ജേതാവായ സുബ്രഹ്മണ്യന് ചന്ദ്രശേഖറിനോടുള്ള ആദരസൂചകമായി ശേഖര് എന്ന് ചേര്ത്തിട്ടുണ്ടെന്നും മസ്ക് പറഞ്ഞു. 'ഒരുപക്ഷേ, നിങ്ങള്ക്കറിയില്ലായിരിക്കും, എന്റെ പങ്കാളി പാതി ഇന്ത്യക്കാരിയാണ്. മാത്രമല്ല, എന്റെ മക്കളിലൊരാളുടെ മിഡില് നെയിം ശേഖര് എന്നാണെന്നാണ് മസ്കിന്റെ വാക്കുകള്.
നിങ്ങള്ക്കറിയാമോ എന്ന് എനിക്കറിയില്ല, പക്ഷെ പങ്കാളിയായ ഷിവോണ് ജിലിസ് പകുതി ഇന്ത്യക്കാരിയാണ്. അവള് കാനഡയിലാണ് വളര്ന്നതെങ്കിലും കുഞ്ഞായിരിക്കുമ്പോള് ദത്തെടുക്കപ്പെട്ടതാണ്. കൃത്യമായ വിശദാംശങ്ങള് എനിക്കറിയില്ലെന്ന് മസ്ക് പറഞ്ഞു. അവളുടെ പിതാവ് യൂണിവേഴ്സിറ്റിയിലെ ഒരു എക്സ്ചേഞ്ച് വിദ്യാര്ഥിയെപ്പോലെയായിരുന്നുവെന്ന് ഞാന് കരുതുന്നുവെന്നും മസ്ക് വെളിപ്പെടുത്തി.
2017ലാണ് മസ്കിന്റെ എഐ കമ്പനിയായ ന്യൂറലിങ്കില് ഷിവോണ് ജിലിസ് ജോലി ആരംഭിക്കുന്നത്. നിലവില് ഓപ്പറേഷന്സ് ആന്ഡ് സ്പെഷല് പ്രോജക്ട്സ് ഡയറക്ടറാണ് ഷിവോണ്. യേല് യൂണിവേഴ്സിറ്റിയില് നിന്ന് സാമ്പത്തിക ശാസ്ത്രത്തിലും തത്ത്വശാസ്ത്രത്തിലും ബിരുദം നേടിയ ഷിവോണിന് മസ്കില് നിന്നും നാലുമക്കളുണ്ട്. 2021 ല് ഇരട്ടക്കുട്ടികളും 2024 ല് മകളും ഒരു വര്ഷത്തിനുശേഷം മറ്റൊരു കുഞ്ഞും ഇവര്ക്ക് ജനിച്ചിരുന്നു.
ഇന്ത്യക്കാരില് നിന്ന് അമേരിക്കയ്ക്ക് വളരെയധികം പ്രയോജനം ലഭിച്ചിട്ടുണ്ടെന്നും മസ്ക് പറഞ്ഞു. 'പതിറ്റാണ്ടുകളായി ഇന്ത്യയില് നിന്നുള്ള പ്രതിഭകളുടെ വലിയ ഗുണഭോക്താക്കളാണ് അമേരിക്ക, പക്ഷേ ഇപ്പോള് അത് മാറുന്നതായി തോന്നുന്നുവെന്ന് മസ്ക് കൂട്ടിച്ചേര്ത്തു.