നാടക നടനും മലയാളം മിഷന്‍ കുവൈറ്റ് ചാപ്റ്റര്‍ പ്രസിഡന്റുമായ സനല്‍ കുമാര്‍ അന്തരിച്ചു

നാടക നടനും മലയാളം മിഷന്‍ കുവൈറ്റ് ചാപ്റ്റര്‍ പ്രസിഡന്റുമായിരുന്ന സനല്‍കുമാര്‍ (50) നിര്യാതനായി. എറണാകുളം പെരുമ്പാവൂര്‍, വളയഞ്ചിറങ്കര സ്വദേശിയാണ്. മലയാളം മിഷന്റെ ഭാരവാഹി എന്ന നിലയില്‍ കുവൈറ്റിലെ മിഷന്‍ പ്രവര്‍ത്തനങ്ങളില്‍ നേതൃപരമായ പങ്ക് വഹിച്ചുവരികയായിരുന്നു. സംസ്‌കാര ചടങ്ങ് തിങ്കളാഴ്ച ഉച്ചയ്ക്ക് 2 മണിക്ക് വളയഞ്ചിറങ്കര വീട്ടു വളപ്പില്‍ നടത്തും. ഭാര്യ - മീര, മക്കള്‍ - അഭിരാം സനല്‍കുമാര്‍, അനാമിക സനല്‍കുമാര്‍, പിതാവ് - ഗോപി കേട്ടെത്ത്, മാതാവ് - ശാന്ത, സഹോദരങ്ങള്‍ - സംഗീത്, കവിത.