ഇമ്രാൻ ഖാന് ആശ്വാസം; 2023-ലെ കലാപവുമായി ബ​ന്ധ​പ്പെ​ട്ട കേ​സു​ക​ളിലെ റിമാൻഡ് ഉത്തരവ് റദ്ദാക്കി ഹൈകോടതി

ഇ​സ്‍ലാ​മാ​ബാ​ദ്: കഴിഞ്ഞ വർഷം മെയ് 9 ലെ കലാപവുമായി ബന്ധപ്പെട്ട 12 കേസുകളിൽ മു​ൻ പാ​കി​സ്താ​ൻ പ്ര​ധാ​ന​മ​ന്ത്രി ഇ​മ്രാ​ൻ ഖാനെ പൊലീസ് റിമാൻഡിൽ വിടാനുള്ള ഭീകരവിരുദ്ധകോടതിയുടെ ഉത്തരവ്  ലഹോർ ഹൈക്കോടതി റദ്ദാക്കി. കേ​സു​ക​ളി​ൽ ഇ​മ്രാ​ൻ ഖാ​നെ 10 ദി​വ​സം റി​മാ​ൻ​ഡി​ൽ വി​ട്ടു​ന​ൽ​കാ​നു​ള്ള  ഉ​ത്ത​ര​വ് അ​സാ​ധു​വെ​ന്നാണ്  ലാ​ഹോ​ർ ഹൈ​കോ​ട​തി വി​ധി​.

നു​ണ, ശ​ബ്ദ പ​രി​ശോ​ധ​ന​ക​ൾ ന​ട​ത്താ​ൻ കൂ​ടു​ത​ൽ ദി​വ​സം റി​മാ​ൻ​ഡി​ൽ വി​ട്ടു​ത​ര​ണ​മെ​ന്നാ​വ​ശ്യ​പ്പെ​ട്ട പ​ഞ്ചാ​ബ് പ്രോ​സി​ക്യൂ​ട്ട​ർ ജ​ന​റ​ലി​നെ ലാ​ഹോ​ർ ഹൈ​കോ​ട​തി​യു​ടെ ര​ണ്ടം​ഗ ബെ​ഞ്ച് വി​മ​ർ​ശി​ച്ചു. സം​ശ​യി​ക്കു​ന്ന​യാ​ൾ ക​സ്റ്റ​ഡി​യി​ലു​ള്ള​തി​നാ​ൽ റി​മാ​ൻ​ഡ് ഇ​ല്ലാ​തെ​പോ​ലും ജ​യി​ലി​ൽ വ​ള​രെ നേ​ര​ത്തേ​ത​ന്നെ പ​രി​ശോ​ധ​ന​ക​ൾ ന​ട​ത്താ​മാ​യി​രു​ന്നു.

പി​ന്നെ എ​ന്താ​വ​ശ്യ​ത്തി​നാ​ണ് റി​മാ​ൻ​​​ഡെ​ന്നും എ​ന്ത് തെ​ളി​വാ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ക്കേ​ണ്ട​തെ​ന്നും ജ​സ്റ്റി​സ് താ​രി​ഖ് സ​ലീം ശൈ​ഖ്, ജ​സ്റ്റി​സ് അ​ൻ​വാ​റു​ൽ ഹ​ഖ് പ​ന്നു എ​ന്നി​വ​ര​ട​ങ്ങി​യ ബെ​ഞ്ച് ചോ​ദി​ച്ചു. റി​മാ​ൻ​ഡി​ൽ വി​ട്ടു​ന​ൽ​കി ജൂ​ലൈ 16നാ​ണ് ഭീ​ക​ര​വാ​ദ വി​രു​ദ്ധ കോ​ട​തി ഉ​ത്ത​ര​വി​ട്ട​ത്. ഇ​തി​നെ​തി​രെ ഇ​മ്രാ​ൻ ഖാ​ൻ ലാ​ഹോ​ർ ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു.