യുഎസ് ആക്രമണത്തിന് ശേഷം അയത്തുള്ള ഖമനിയോട് 'സ്ഥാനമൊഴിയാന്‍' ആവശ്യപ്പെട്ട് ഇറാന്റെ അവസാന ഷായുടെ മകന്‍ റെസ ഷാ

ടെഹ്റാന്‍ : ഇറാന്‍ ഭരണാധികാരിയായ അവസാന ഷാ മുഹമ്മദ് റെസ ഷായുടെ നാടുകടത്തപ്പെട്ട മകന്‍ റെസ പഹ്ലവിയാണ് ഖമനിയോട് സ്ഥാനമൊഴിയാന്‍ ആവശ്യപ്പെട്ടത്. ഇറാനിലെ മൂന്ന് ആണവ കേന്ദ്രങ്ങളില്‍ യുഎസ് നടത്തിയ ആക്രമണം പരമോന്നത നേതാവ് ആയത്തുള്ള അലി ഖമേനിയുടെ 'ഭീകര ഭരണകൂടത്തിന്റെ' 'വിനാശകരമായ ആണവായുധ പിന്തുടരലിന്റെ' ഫലമായിരുന്നു എന്നാണ് റെസ ഷാ പറഞ്ഞത്. ഇറാനിയന്‍ ജനതയ്ക്കുവേണ്ടി തന്റെ ് 'സ്ഥാനമൊഴിഞ്ഞു' അമേരിക്കന്‍ ആക്രമണങ്ങള്‍ക്ക് 'പ്രതികരിക്കാന്‍' പെഹല്‍വി ഖമേനിയോട് ആവശ്യപ്പെട്ടു. അലി ഖമേനിയും അദ്ദേഹത്തിന്റെ തകര്‍ന്നുകൊണ്ടിരുന്ന ഭീകര ഭരണകൂടവും രാജ്യത്തെ പരാജയപ്പെടുത്തിയിരിക്കുന്നു. തന്റെ ഭൂഗര്‍ഭ ബങ്കറില്‍ നിന്ന് എങ്ങനെ പ്രതികരിക്കണമെന്ന് ഖമേനി ആലോചിക്കുമ്പോള്‍, ഞാന്‍ അദ്ദേഹത്തോട് പറയുന്നു: ഇറാനിയന്‍ ജനതയ്ക്കുവേണ്ടി, സ്ഥാനമൊഴിഞ്ഞുകൊണ്ട് പ്രതികരിക്കുക, അങ്ങനെ അഭിമാനകരമായ ഇറാനിയന്‍ രാഷ്ട്രത്തിന് ഇസ്ലാമിക് റിപ്പബ്ലിക്കിന്റെ വിനാശകരമായ കാലഘട്ടം ഉപേക്ഷിച്ച് സമാധാനത്തിന്റെയും സമൃദ്ധിയുടെയും മഹത്വത്തിന്റെയും ഒരു പുതിയ അധ്യായം ആരംഭിക്കാന്‍ കഴിയും,' പഹ്ലവി കൂട്ടിച്ചേര്‍ത്തു. ഇറാനില്‍ സമാധാനം കൈവരിക്കാനുള്ള ഏക മാര്‍ഗം ഖമേനിയുടെ ഭരണം അവസാനിപ്പിക്കുക എന്നതാണെന്ന് അദ്ദേഹം കൂട്ടിച്ചേര്‍ത്തു.ഇസ്ലാമിക വിപ്ലവത്തിനുശേഷം 1979-ല്‍ രാജവാഴ്ചയുടെ പതനം ഉണ്ടായിട്ടും, പ്രവാസത്തിലായ ഇറാന്റെ കിരീടാവകാശിയായി ഇപ്പോഴും കണക്കാക്കപ്പെടുന്ന ആളാണ് റെസ പഹ്ലവി.