2028ഓടെ യുദ്ധഭൂമിയിൽ റോബോട്ടുകൾ: സൈനിക നവീകരണങ്ങൾ വേഗത്തിലാക്കി ഫ്രാൻസ്

സൈനിക നവീകരണ ശ്രമങ്ങളിൽ റോബോട്ടുകളെ ഉപയോഗിച്ച് പുതിയ പരീക്ഷണങ്ങൾ നടത്തുകയാണ് ഫ്രാൻസ്. 2028ഓടെ ഈ റോബോട്ടുകൾ യുദ്ധഭൂമിയിൽ ഉപയോഗിക്കുക, 2040ഓടെ അവയെ പൂർണ്ണമായി സൈന്യത്തിൽ ചേർക്കുക എന്നിവയാണ് ലക്‌ഷ്യം. പാരിസിന് സമീപം നടന്ന പരീക്ഷണങ്ങളിൽ കാലുകൾ, വീലുകൾ എന്നിവ ഉള്ള ചലിക്കാൻ സാധിക്കുന്ന റോബോട്ടുകളെ ഉപയോഗിച്ച് യുദ്ധക്കളങ്ങളിലെ നിരീക്ഷണം, മൈനുകൾ നീക്കംചെയ്യൽ, അകലെ നിന്നുള്ള പരിചരണം എന്നിവ സാധ്യമാകുമെന്ന് പ്രദർശിപ്പിച്ചു.

2021ൽ ആരംഭിച്ച പുതിയ യുദ്ധസാധ്യതകൾക്കായുള്ള പദ്ധതിയുടെ ഭാഗമായാണ് ഇത്. സൈനിക ഉപകരണങ്ങളുടെ നവീകരണവും റിസർവ് സേനയുടെ കൂട്ടിച്ചേർക്കലും സ്വകാര്യ കമ്പനികളുമായുള്ള സഹകരണവും ഉൾപ്പെടുന്ന പദ്ധതിയാണ് ഇത്. ഇതിലൂടെ സൈന്യത്തെ കൂടുതൽ ശക്തവും സാങ്കേതികതയുള്ളതുമാക്കി തീർക്കാനാണ് ഫ്രാൻസ് ലക്ഷ്യമിടുന്നത്. ഫ്രാൻസ് പ്രതിരോധ സംവിധാനത്തെ ആധുനികവത്കരിക്കുന്നതിന്റെ ഭാഗമായി, റോബോട്ടിക് സംവിധാനങ്ങൾ സൈന്യത്തിനും നാടിന്റെ പ്രതിരോധ തന്ത്രങ്ങൾക്കും പുതുമയും ശക്തിയും നൽകുമെന്ന് പ്രതീക്ഷിക്കുന്നു.