പാകിസ്താനും അഫ്ഗാനിസ്താനും തമ്മിൽ അതിർത്തിയിലുണ്ടായ ഏറ്റുമുട്ടലിൽ നിരവധിയാളുകൾ കൊല്ലപ്പെട്ടു

കാബൂൾ: പാകിസ്താനും അഫ്ഗാനിസ്താനും തമ്മിൽ അതിർത്തിയിലുണ്ടായ ഏറ്റുമുട്ടലിൽ നിരവധിയാളുകൾ കൊല്ലപ്പെടുകയും ഡസൻ കണക്കിനാളുകൾക്ക് പരിക്കേൽക്കുകയും ചെയ്തു.പാകിസ്ഥാൻകാബൂളിൽ ആക്രമണം നടത്തിയതിന് പിന്നാലെയാണ് അതിർത്തി പ്രദേശങ്ങളിൽ ഏറ്റുമുട്ടൽ രൂക്ഷമായത്. 2021ന് ശേഷം ഇരുപക്ഷവും തമ്മിൽ നടന്ന ഏറ്റവും വലിയ സംഘർഷമാണിത്.

അതിർത്തി കടന്നുള്ള വ്യോമാക്രമണങ്ങൾക്കൊപ്പം വെടിവെപ്പും സംഘർഷം രൂക്ഷമാക്കി. ഒരുവശത്ത് ആണവായുധ ശേഷിയുള്ള പാകിസ്താൻ ആണെങ്കിൽ മറുവശത്ത് പരിമിതമായ ആയുധങ്ങൾ കൈവശമുള്ള താലിബാൻ ആണ് രംഗത്തുള്ളത്. യുഎസ് സൈന്യത്തിനെതിരെയടക്കം വർഷങ്ങളായി പോരടിച്ച പരിചയവുമായി താലിബാൻ അഫ്ഗാനിസ്താനായി മറുവശത്തുണ്ട്.