യുഎഇയിൽ ഇനി മുതൽ ഫിൻഫ്ലുവൻസർമാർക്ക് ലൈസൻസ് നിർബന്ധം

അബൂദാബി: യു.എ.ഇയിൽ നിക്ഷേപം, ട്രേഡിംഗ്, സാമ്പത്തിക ഉപദേശം എന്നിവയെക്കുറിച്ച് ഉള്ളടക്കം തയ്യാറാക്കുന്ന സോഷ്യൽ മീഡിയ ഇന്‍ഫ്ലുവൻസർമാർ ഇനി മുതൽ സെക്യൂരിറ്റീസ് ആൻഡ് കമൊഡിറ്റീസ് അതോറിറ്റിയി‍ല്‍ (SCA) നിന്ന് ലൈസൻസ് എടുക്കണം. 'ഫിൻഫ്ലുവൻസർ ലൈസൻസ്' എന്ന പേരിൽ ആദ്യമായി പ്രാദേശികമായി ആരംഭിക്കുന്ന ഈ സംവിധാനത്തിന്‍റെ ലക്ഷ്യം സാമ്പത്തിക ഉള്ളടക്കത്തില്‍ വിശ്വാസ്യതയും നിയമപാലനവും ഉറപ്പാക്കുകയാണ്.

സോഷ്യല്‍ മീഡിയ, ബ്ലോഗ്, യൂട്യൂബ്, പോഡ്കാസ്റ്റ്, വെബിനാര്‍, ഇവന്റ്‌സ് തുടങ്ങിയ പ്ലാറ്റ്‌ഫോമുകളിൽ മുന്നോട്ട് വയ്ക്കുന്ന നിർദേശങ്ങൾ , മാർക്കറ്റ് വിശകലനങ്ങൾ, ട്രേഡിംഗ് പ്ലാറ്റ്ഫോമുകൾ, വെർച്വൽ ആസ്തികളെക്കുറിച്ചുള്ള അഭിപ്രായങ്ങൾ തുടങ്ങിയവയെല്ലാം ഇനി മുതൽ ലൈസൻസ് ഉള്ളവർക്ക് മാത്രമേ പങ്കുവയ്ക്കാൻ അനുവാദം ഉള്ളു. അങ്ങനെ ലൈസൻസ് നേടിയ ഫിൻഫ്ലുവൻസർമാർ നിയമപരമായ മാനദണ്ഡങ്ങൾ പാലിക്കേണ്ടതായിരിക്കും, അവരുടെ ഉള്ളടക്കം ഉത്തരവാദിത്വത്തോടെയും കൃത്യവുമായിരിക്കണം.

പുതിയ ലൈസൻസിംഗ് സംവിധാനം എളുപ്പത്തിൽ ഏറ്റെടുക്കാൻ വേണ്ടി, SCA അടുത്ത മൂന്ന് വർഷത്തേക്ക് രജിസ്ട്രേഷൻ, പുതുക്കൽ, നിയമോപദേശം എന്നിവയ്ക്ക് ഏതാനും ഫീസുകളും ഒഴിവാക്കി. ഇത് സംരംഭകരെയും പണമൊഴുക്കുകാരെയും കൂടുതൽ ഈ സംവിധാനത്തിലേക്ക് ആകർഷിക്കാൻ ഉദ്ദേശിച്ചുള്ള നീക്കമാണെന്നാണ് വിലയിരുത്തൽ.

ഓഹരികൾ വാങ്ങുന്നതിലും വിറ്റുതരുന്നതിലും ഉപദേശം നൽകുന്നത്, നിക്ഷേപങ്ങളുടെ ഭാവി മൂല്യത്തെക്കുറിച്ചുള്ള പ്രവചനങ്ങൾ പങ്കുവെക്കുന്നത്, തുടങ്ങിയവ ഇനി നിയന്ത്രണ വിധേയമാണ്.

പുതിയ നയത്തിലൂടെ നൂതനത്വത്തെയും വിശ്വാസത്തെയും ഒരേപോലെ ഉത്തേജിപിപ്പിക്കുകയാണ് SCA.യുഎഇയെ ആധുനിക സാമ്പത്തിക ഹബായി മാറ്റാനുള്ള സങ്കൽപ്പത്തിന്റെ ഭാഗമായാണ് ഈ പുതിയ പദ്ധതി. 'ഫിൻഫ്ലുവൻസർ ലൈസൻസ്' വഴി ഇന്നത്തെ ഡിജിറ്റൽ ലോകം എങ്ങനെ സാമ്പത്തിക വിവരങ്ങൾ കൈകാര്യം ചെയ്യുന്നു എന്ന് പരിഗണിച്ചാണ് നിയമനം ഒരുക്കിയിരിക്കുന്നത്. ഉപഭോക്തൃ സംരക്ഷണം ഉറപ്പാക്കുന്നവണ്ണം, സാങ്കേതിക നൂതനത്വത്തിന് തടസ്സമാകാതെ, ഒരു ഉറച്ച നിയമവ്യവസ്ഥയിലൂടെയാണ് ഇത് നടപ്പാക്കുന്നത്.

സെക്യൂരിറ്റീസ് ആൻഡ് കമൊഡിറ്റീസ് അതോറിറ്റി മാർക്കറ്റ് അഖണ്ഡതയും സാമ്പത്തിക സാക്ഷരതയും ശക്തിപ്പെടുത്താൻ പ്രതിജ്ഞാബദ്ധമാണ്. നൂതന ഡിജിറ്റൽ കാലഘട്ടത്തിൽ ആഗോള മാനദണ്ഡങ്ങളുമായി പൊരുത്തപ്പെടുന്ന നിയമനടപടികൾ കൈക്കൊണ്ടാണ് യു.എ.ഇ ലോകത്തെ ഏറ്റവും മുന്നിലുള്ള സാമ്പത്തിക കേന്ദ്രങ്ങളിലൊന്നായി മാറുന്നത് ലക്ഷ്യമിടുന്നത്.