മിഡിൽ ഈസ്റ്റിൽ സമാധാനം സ്ഥാപിക്കുന്നതിൽ യുഎഇയുടെ പങ്ക് വലുതാണ് : ഡൊണാൾഡ് ട്രംപ്

അബുദാബി ഡെപ്യൂട്ടി ഭരണാധികാരിയും ദേശീയ സുരക്ഷാ ഉപദേഷ്ടാവുമായ ഷെയ്ഖ് തഹ്നൂൻ ബിൻ സായിദുമായി വൈറ്റ് ഹൗസിൽ നടന്ന ഉന്നതതല ചർച്ചകളിൽ, മിഡിൽ ഈസ്റ്റിൽ സമാധാനം സ്ഥാപിക്കുന്നതിൽ യുഎഇ ഒരു നിർണായക പങ്കാളിയാണെന്ന് യുഎസ് പ്രസിഡന്റ് ഡൊണാൾഡ് ട്രംപ് പ്രശംസിച്ചു.

ചൊവ്വാഴ്ച വൈകുന്നേരം ഷെയ്ഖ് തഹ്നൂനുമായി നടത്തിയ മീറ്റിംഗുകളിലും അത്താഴവിരുന്നിലും പ്രമുഖ യുഎസ് ഉദ്യോഗസ്ഥർ പങ്കെടുത്തതായി യുഎസ് നേതാവ്, തന്റെ ട്രൂത്ത് സോഷ്യൽ പ്ലാറ്റ്‌ഫോമിലെ എക്‌സിൽ പങ്കിട്ട പോസ്റ്റിൽ പറഞ്ഞു.

"മധ്യപൂർവദേശത്തും ലോകത്തും സമാധാനവും സുരക്ഷയും കൊണ്ടു വരുന്നതിനുള്ള പ്രവർത്തനങ്ങളിൽ യുഎഇയും യുഎസും വളരെക്കാലമായി പങ്കാളികളാണ്."

സഖ്യകക്ഷികൾ തമ്മിലുള്ള ദീർഘകാല തന്ത്രപരമായ പങ്കാളിത്തത്തിന്റെ ഭാവിയെക്കുറിച്ചും "സമൃദ്ധിക്കും പുരോഗതിക്കും വേണ്ടിയുള്ള നമ്മുടെ പങ്കിട്ട കാഴ്ചപ്പാടിനെ ശക്തിപ്പെടുത്തുന്നതിനെക്കുറിച്ചും" യുഎസ് പ്രസിഡന്റുമായുള്ള ചർച്ചകൾ ശ്രദ്ധ കേന്ദ്രീകരിച്ചതായി ഷെയ്ഖ് തഹ്നൂൻ പറഞ്ഞു.