/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/10/28/changala-2025-10-28-08-25-02.jpg)
വാഷിങ്ണ്: യുഎസില് അനധികൃത കുടിയേറ്റക്കാരായി എത്തിയ 50 ഇന്ത്യക്കാരെ കൂടി യുഎസ് നാടുകടത്തി. ഹരിയാനക്കാരാണ് യുഎസ് നാടുകടത്തിയ ഏറ്റവും പുതിയ സംഘത്തിലുള്ളത്. ഇന്ത്യയിലേക്കു നാടുകടത്തപ്പെട്ടവരില് പലര്ക്കും വിമാനയാത്രയില് 25 മണിക്കൂര് വരെ കാലില് ചങ്ങല ധരിക്കേണ്ടി വന്നതായി പരാതി.
25 മുതല് 40 വയസു വരെ പ്രായമുള്ളവരാണ് നാടുകടത്തപ്പെട്ടവരില് ഏറെയും. ഇവര് ശനിയാഴ്ച രാത്രി ഡല്ഹിയില് വിമാനമിറങ്ങി. 35 മുതല് 57 ലക്ഷം രൂപ വരെ ഏജന്റുമാര്ക്കു നല്കി കബളിക്കപ്പെട്ടവരാണു പലരും.
ഹരിയാനയിലെ കര്ണാല്, അംബാല, കുരുക്ഷേത്ര, യമുനാനഗര്, പാനിപ്പത്ത്, കൈത്തല്, ജിന്ദ് എന്നീ ജില്ലകളില് നിന്നുള്ളവരാണ് ഇവര്. ഹരിയാനയില് എത്തിച്ച ഇവരെ നിയമനടപടികള് പൂര്ത്തിയാക്കിയ ശേഷം വീടുകളിലേക്ക് അയച്ചെന്ന് അധികൃതര് അറിയിച്ചു. ഈ വര്ഷം ആദ്യം, യുഎസ് അധികൃതര് പഞ്ചാബ്, ഹരിയാന, ഗുജറാത്ത് എന്നിവിടങ്ങളില് നിന്നുള്ള നിരവധി യുവാക്കളെ ഇന്ത്യയിലേക്കു നാടുകടത്തിയിരുന്നു.
ജനുവരിയില് ഡോണള്ഡ് ട്രംപ് യുഎസ് പ്രസിഡന്റായി അധികാരമേറ്റ ശേഷം, രാജ്യത്തെ നിയമ നിര്വഹണ ഏജന്സികള് അനധികൃത കുടിയേറ്റക്കാര്ക്കെതിരെ കടുത്ത നടപടികള് ആരംഭിച്ചിരുന്നു.