ന്യൂയോര്‍ക്ക് സിറ്റി മേയര്‍ തെരഞ്ഞെടുപ്പില്‍ ഡെമോക്രാറ്റിക് പാര്‍ട്ടി സ്ഥാനാര്‍ത്ഥി സൊഹ്‌റാന്‍ മംദാനി വിജയിച്ചു.

വാഷിങ്ടൺ: ന്യൂയോർക്ക് സിറ്റി മേയർ തെരഞ്ഞെടുപ്പിൽ ഡെമോക്രാറ്റിക് പാർട്ടി സ്ഥാനാർത്ഥി സൊഹ്‌റാൻ മംദാനി വിജയിച്ചു.

ട്രംപിന്റെ പിന്തുണ ഉണ്ടായിരുന്ന ആൻഡ്രൂ ക്വോമോയെ പരാജയപ്പെടുത്തിയാണ് ഇന്ത്യൻ വംശജനായ മംദാനി ന്യൂയോർക്ക് മേയറാകുന്നത്.

ന്യൂയോർക്ക് മേയർ പദവിയിലെത്തുന്ന ആദ്യ ഇന്ത്യൻ വംശജൻ എന്ന വിശേഷണം ഇനി   മംദാനിയ്ക്ക് സ്വന്തം .

മംദാനിയുടെ വിജയത്തോടുകൂടി ട്രംപിന് വലിയ തിരിച്ചടിയാണ് ഉണ്ടായിരിക്കുന്നത് .തിരഞ്ഞെടുപ്പ് ഘട്ടത്തിൽ  സൊഹ്റാൻ മംദാനിയെ പരാജയപ്പെടുത്തണമെന്ന് ആവശ്യപ്പെട്ട് ട്രംപ് പരസ്യമായി രം​ഗത്തു വരികയും സോഷ്യലിസ്റ്റ് ആശയങ്ങൾ പിന്തുടരുന്ന മംദാനിയെ "കമ്യൂണിസ്റ്റ് ഭ്രാന്തൻ" എന്ന് വിശേഷിപ്പിക്കുകയും ട്രംപ് ചെയ്തിരുന്നു .

എന്നാൽ ഇതൊന്നും മംദാനിയുടെ വിജയത്തിലേക്ക് എത്താനുള്ള വഴിയിൽ തടസ്സമായില്ല എന്നുള്ളത് വാസ്തവമായ കാര്യം തന്നെയാണ് .

ഇന്ത്യയിൽ വേരുള്ള ഉഗാണ്ടയിലെ അക്കാദമിക് വിദഗ്ധൻ മഹ്മൂദ് മംദാനിയുടെയും ഇന്ത്യൻ വംശജയും പ്രശസ്ത സിനിമാ സംവിധായിക മീരാ നായരുടെ മകനും കൂടിയായ  34 കാരനായ സൊഹ്‌റാൻ മംദാനി ന്യൂയോർക്ക് സിറ്റിയുടെ ചരിത്രത്തിലെ ആദ്യ മുസ്ലിം മേയർ കൂടിയാണ് .

ന്യൂയോർക്ക് മേയർ സ്ഥാനത്തേക്ക് സ്വതന്ത്രനായി മുൻ ഗവർണർ ആൻഡ്രൂ ക്വോമോ, റിപ്പബ്ലിക്കൻ പാർട്ടിയിലെ കർട്ടിസ് സ്ലിവ എന്നിവരാണ് മത്സര രംഗത്തുണ്ടായിരുന്നത്.

ഡെമോക്രാറ്റിക് പ്രൈമറിയിൽ മുൻ ഗവർണർ ആൻഡ്രൂ ക്വോമോയെ അട്ടിമറിച്ച് നേരത്തെ സൊഹ്റാൻ മംദാനി രാഷ്ട്രീയ നേതൃത്വത്തെ ഞെട്ടിച്ചിരുന്നു .