ട്രംപ് -മംദാനി നിര്‍ണായക കൂടിക്കാഴ്ച്ച ഇന്ന് വൈകുന്നേരം വൈറ്റ് ഹൗസില്‍

വാഷിങ്ടണ്‍: അമേരിക്കന്‍ പ്രസിഡന്റ്  ഡോണള്‍ഡ് ട്രംപും ന്യൂയോര്‍ക്ക് സിറ്റിയുടെ പുതിയ മേയര്‍ സൊഹ്‌റാന്‍ മംദാനിയും തമ്മിലുളള നിര്‍ണായക  കൂടിക്കാഴ്ച ഇന്ന്.. വൈകുന്നേരം വൈറ്റ് ഹൗസില്‍ വച്ചാണ് കൂടിക്കാഴ്ച

കൂടിക്കാഴ്ച്ചയ്ക്ക് മംദാനി അനുമതി തേടിയെന്നും വൈറ്റ് ഹൗസിലെ ഓവല്‍ ഓഫിസില്‍ കൂടിക്കാഴ്ച നടത്തുമെന്നും ട്രംപ് വ്യക്തമാക്കി. കൂടിക്കാഴ്ചയ്ക്ക് തന്റെ സംഘം വൈറ്റ് ഹൗസുമായി ബന്ധപ്പെട്ടെന്നും  വോട്ടര്‍മാര്‍ക്കു നല്‍കിയ വാഗ്ദാനത്തിന്റെ ഭാഗമാണ് കൂടിക്കാഴ്ചയെന്നും മംദാനി പറഞ്ഞു.

കൂടിക്കാഴ്ച സ്ഥിരീകരിച്ചുള്ള സമൂഹമാധ്യമ പോസ്റ്റില്‍ ന്യൂയോര്‍ക്ക് നഗരത്തിന്റെ കമ്മ്യൂണിസ്റ്റ് മേയര്‍ എന്നാണ് മംദാനിയെ ട്രംപ് വിശേഷിപ്പിച്ചത്.

ന്യൂയോര്‍ക്കിലെ ഉയര്‍ന്ന ജീവിതച്ചെലവിന് ട്രംപിന്റെ സാമ്പത്തിക നയങ്ങള്‍ ഒരു കാരണമാണെന്നു മംദാനി കൂട്ടിച്ചേര്‍ത്തു. ട്രംപുമായുള്ള ബന്ധം ന്യൂയോര്‍ക്ക് നഗരത്തിന്റെ വിജയത്തിന് നിര്‍ണായകമാണെന്ന് മംദാനി വ്യക്തമാക്കിയിരുന്നു.

തിരഞ്ഞെടുപ്പില്‍ മംദാനി വിജയിച്ചാല്‍ ന്യൂയോര്‍ക്ക് നഗരത്തിനുള്ള ഫണ്ട് തടഞ്ഞുവയ്ക്കുമെന്ന് ട്രംപ് നേരത്തെ ഭീഷണി മുഴക്കിയിരുന്നു.