/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2026/01/15/trump-2-2026-01-15-09-24-26.jpg)
വാഷിങ്ടണ്: പാക്കിസ്ഥാന്, റഷ്യ, ഇറാന് തുടങ്ങി 75 രാജ്യങ്ങളില്നിന്നുള്ള പൗരന്മാര്ക്ക് കുടിയേറ്റ വീസ നല്കല് നിര്ത്തിവയ്ക്കുന്നതായി യുഎസ്. കുടിയേറ്റം തടയുന്നതിനുള്ള ഈ പുതിയ നീക്കം ബുധനാഴ്ചയാണ് യുഎസ് സ്റ്റേറ്റ് ഡിപ്പാര്ട്മെന്റ് പ്രഖ്യാപിച്ചത്. യുഎസ് പ്രസിഡന്റ് ഡോണള്ഡ് ട്രംപിന്റെ കുടിയേറ്റ നിയന്ത്രണ പദ്ധതിയുടെ ഭാഗമായിട്ടാണ് 75 രാജ്യങ്ങളില്നിന്നും യുഎസിലേക്ക് കുടിയേറാന് ആഗ്രഹിക്കുന്ന പൗരന്മാര്ക്കുള്ള വീസ നല്കല് താല്ക്കാലികമായി നിര്ത്തിയത്.
രാജ്യത്ത് എത്തുന്ന പുതിയ കുടിയേറ്റക്കാര് അമേരിക്കന് ജനതയ്ക്ക് ലഭിക്കേണ്ട സമ്പത്തും സൗകര്യങ്ങളും എടുക്കുന്നില്ലെന്ന് ഉറപ്പാക്കും വരെ വീസ മരവിപ്പിക്കല് തുടരുമെന്നാണ് യുഎസ് സ്റ്റേറ്റ് ഡിപ്പാര്ട്മെന്റ് അറിയിപ്പ്. വീസ നല്കല് നിരോധിച്ച രാജ്യങ്ങളില് ഇന്ത്യയുടെ അയല്രാജ്യങ്ങളായ ബംഗ്ലദേശ്, പാക്കിസ്ഥാന്, ഭൂട്ടാന്, നേപ്പാള്, മ്യാന്മര് തുടങ്ങിയ ഉള്പ്പെടുന്നു. ജനുവരി 21 മുതല് പുതിയ വിലക്ക് പ്രാബല്യത്തില്വരും. അതേസമയം ടൂറിസ്റ്റ്, ബിസിനസ് ആവശ്യങ്ങള്ക്കുള്ള വീസയില് നിയന്ത്രണം ബാധകമല്ല.
വീസ നിയന്ത്രണം ഏര്പ്പെടുത്തിയ രാജ്യങ്ങളുടെ പട്ടിക യുഎസ് സര്ക്കാര് ഇതുവരെ പരസ്യമായി പുറത്തുവിട്ടിട്ടില്ല. എന്നാല് നിയന്ത്രണം പ്രതീക്ഷിക്കുന്ന രാജ്യങ്ങളുടെ പേര് രാജ്യാന്തര മാധ്യമങ്ങള് പുറത്തുവിട്ടിട്ടുണ്ട്.