/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/29/tharik-2-2025-12-29-19-42-13.jpg)
ധാക്ക: ബംഗ്ലാദേശ് രാഷ്ട്രീയത്തില് നിര്ണ്ണായക നീക്കവുമായി ബംഗ്ലാദേശ് നാഷണലിസ്റ്റ് പാര്ട്ടി ആക്ടിംഗ് ചെയര്മാന് താരിഖ് റഹ്മാന്. വരാനിരിക്കുന്ന പൊതുതിരഞ്ഞെടുപ്പില് രണ്ട് സീറ്റുകളില് നിന്ന് മത്സരിക്കാനായി താരിഖ് റഹ്മാന് നാമനിര്ദ്ദേശ പത്രിക സമര്പ്പിച്ചു.
തന്റെ കുടുംബത്തിന്റെ പരമ്പരാഗത കോട്ടകളില് ഒന്നായ ബോഗ്ര-6 മണ്ഡലത്തില് നിന്നും, കൂടാതെ മറ്റൊരു സുരക്ഷിത മണ്ഡലത്തില് നിന്നുമാണ് താരിഖ് റഹ്മാന് പത്രിക സമര്പ്പിച്ചിരിക്കുന്നത്. ലണ്ടനില് ദീര്ഘകാലമായി പ്രവാസജീവിതം നയിച്ചിരുന്ന താരിഖ്, ഹസീന സര്ക്കാര് പുറത്തായതോടെയാണ് വീണ്ടും സജീവ രാഷ്ട്രീയത്തിലേക്ക് തിരിച്ചെത്തിയത്.
മുന്പ് ഹസീന സര്ക്കാരിന്റെ കാലത്ത് നിരവധി ക്രിമിനല് കേസുകളിലും അഴിമതി ആരോപണങ്ങളിലും ശിക്ഷിക്കപ്പെട്ട വ്യക്തിയാണ് താരിഖ് റഹ്മാന്. എന്നാല് രാഷ്ട്രീയ പ്രേരിതമായാണ് ഈ കേസുകള് ചുമത്തിയതെന്നാണ് ബിഎന്പിയുടെ വാദം. ഇടക്കാല സര്ക്കാര് അധികാരമേറ്റതോടെ താരിഖിന്റെ ശിക്ഷകള് പുനഃപരിശോധിക്കപ്പെടുകയും തിരഞ്ഞെടുപ്പില് മത്സരിക്കാനുള്ള തടസ്സങ്ങള് നീങ്ങുകയുമായിരുന്നു.
ബംഗ്ലാദേശ് മുന് പ്രധാനമന്ത്രി ഖാലിദ സിയയുടെ മകനായ താരിഖ് റഹ്മാന് മത്സരരംഗത്തേക്ക് ഇറങ്ങുന്നത് ബിഎന്പി പ്രവര്ത്തകര്ക്ക് വലിയ ആവേശമാണ് പകര്ന്നിരിക്കുന്നത്. ശൈഖ് ഹസീനയുടെ അസാന്നിധ്യത്തില് നടക്കുന്ന തിരഞ്ഞെടുപ്പില് താരിഖ് റഹ്മാന് തന്നെയാകും പ്രധാനമന്ത്രി സ്ഥാനാര്ത്ഥിയെന്ന സൂചനയാണ് ബിഎന്പി നല്കുന്നത്.
ബംഗ്ലാദേശിലെ ഈ രാഷ്ട്രീയ മാറ്റങ്ങളെ ഇന്ത്യ അതീവ ജാഗ്രതയോടെയാണ് വീക്ഷിക്കുന്നത്. ബിഎന്പി ഇന്ത്യയുമായി എത്തരത്തിലുള്ള നയതന്ത്ര ബന്ധമാണ് പുലര്ത്തുക എന്നത് ദക്ഷിണേഷ്യന് രാഷ്ട്രീയത്തില് നിര്ണ്ണായകമാകും. പാകിസ്താന് അനുകൂല നിലപാട് സ്വീകരിക്കാന് സാധ്യതയുള്ള സംഘടനകള്ക്ക് ബിഎന്പിയില് സ്വാധീനമുള്ളതിനാല് ഇന്ത്യ കരുതലോടെയാണ് നീങ്ങുന്നത്.