ഇടുക്കിയിൽ മൂന്ന് ഒമ്പതാം ക്ലാസ് വിദ്യാർത്ഥികളെ കാണാതായി;അന്വേഷണം ഊർജ്ജിതമാക്കി പോലീസ്

ഇടുക്കി:ഇടുക്കിയിൽ മൂന്ന് ഒമ്പതാം ക്ലാസ് വിദ്യാർത്ഥികളെ കാണാതായി.ഇടുക്കി രാജകുമാരി സ്വദേശികളെയാണ് കാണാതായത്.ഇന്നലെ ഉച്ചമുതൽ ഇവരെ കാണാൻ ഇല്ലായിരുന്നു.മൂന്നു കുട്ടികളും വീട്ടിൽ കത്തെഴുതിവെച്ചിട്ടാണ് പോയത്.മാതാപിതാക്കളുടെ പരാതിയിൽ പോലീസ് അന്വേഷണം ആരംഭിച്ചിട്ടുണ്ട്.

അതേസമയം തമിഴ്നാട് ബോഡിനായ്ക്കന്നൂരിൽ വിദ്യാർത്ഥികൾ എത്തിയതിന്റെ സിസിടിവി ദൃശ്യങ്ങൾ പൊലീസിന് ലഭിച്ചിട്ടുണ്ട്.ബോഡിനായ്ക്കന്നൂരിൽ നിന്ന് ട്രെയിൻ മാർഗം കുട്ടികൾ ചെന്നൈയിലേക്ക് പോയതായും കരുതുന്നു.പോലീസും ബന്ധുക്കളും തമിഴ്‌നാട്ടിൽ അന്വേഷണം ഉർജ്ജിതമാക്കിയിട്ടുണ്ട്.