ഒരു വടക്കൻ തേരോട്ടം റിലീസിന് ഒരുങ്ങുന്നു

കൊച്ചി : ധ്യാൻ ശ്രീനിവാസനെ നായകനാക്കി 'നിത്യഹരിത നായകൻ 'എന്ന ചിത്രത്തിനുശേഷം ബിനുൻരാജ് സംവിധാനം ചെയ്യുന്ന 'ഒരു വടക്കൻ തേരോട്ടം ' റിലീസിന് തയ്യാറെടുക്കുന്നു.കുടുംബ പ്രേക്ഷകർക്ക് വേണ്ട എല്ലാ ചേരുവകളും ചേർത്തിണക്കിയ ധ്യാൻ ശ്രീനിവാസന്റെ ഒരു ക്ലീൻ ഫാമിലി എന്റർടൈനർ ആയിരിക്കും സിനിമ എന്നാണ് സംവിധായകൻ അവകാശപ്പെടുന്നത്.ഫൈനൽ മിക്സിങ് മുംബൈയിലെ കാനാൻ സൗണ്ട് പോസ്റ്റ്  സ്റ്റുഡിയോയിൽ കഴിഞ്ഞ ദിവസമാണ് പൂർത്തിയായത്.നാഷണൽ അവാർഡ് ജേതാവും പ്രശസ്ത സൗണ്ട് ഡിസൈനറുമായ സിനോയ് ജോസഫ് ആണ് ചിത്രത്തിൻ്റെ ശബ്ദ വിഭാഗം കൈകാര്യം ചെയ്യുന്നത്. പ്രശസ്ത കളറിസ്റ്റ് രമേഷ് സിപി യുടെ നേതൃത്വത്തിൽ കളർ പ്ലാനറ്റ് സ്റ്റുഡിയോയിൽ ആണ് ഡി.ഐ വർക്കുകൾ പൂർത്തിയായത്.നേരത്തെ സരിഗമ മ്യൂസിക്കിലൂടെ ബേണി ആൻഡ് ടാൻസൻ കൂട്ടുകെട്ടിൽ പിറന്ന ഹരിശങ്കർ ആലപിച്ച 'ഇടനെഞ്ചിലെ മോഹം' എന്ന റൊമാൻറിക് മെലഡി സോങ് ഇതിനോടകം പ്രേക്ഷകർ നെഞ്ചോട് ചേർത്ത് കഴിഞ്ഞു.ധ്യാനിനെ കൂടാതെമലയാളത്തിലെയും തമിഴിലെയും നിരവധി താരങ്ങൾ അണിനിരക്കുന്ന ഈ ചിത്രത്തിൻ്റെ രചന സനു അശോകും ഛായഗ്രഹണം പവി കെ പവനും എഡിറ്റിംഗ് ജിതിൻ ഡി കെ യും നിർവഹിക്കുന്നു.പ്രമുഖ വിതരണ കമ്പനിയായ ഡ്രീം ബിഗ് ഫിലിംസാണ് ചിത്രം തിയേറ്ററിൽ എത്തിക്കുന്നത്.മലയാളികൾക്ക് എന്നും ഏറെ ഇഷ്ടമായ സാധാരണക്കാരന്റെ വാഹനമായ ഓട്ടോറിക്ഷയും നാടൻ പ്രണയവും രസകരമായ മുഹൂർത്തങ്ങളും പ്രേക്ഷകർ സ്വീകരിച്ചത് പോലെ ഇതും സ്വീകരിക്കുമെന്ന് ചിത്രത്തിൻ്റെ സംവിധായകൻ പറയുന്നു. പി ആർ ഓ : വാഴൂർ ജോസ്., എ എസ് ദിനേശ്,ഐശ്വര്യ രാജ്