ഇൻസ്റ്റാഗ്രാമിൽ നടിയുടെ ചിത്രങ്ങൾ മോർഫ് ചെയ്ത് പ്രചരിപ്പിച്ച യുവാവ് അറസ്റ്റിൽ.

കൊച്ചി: പ്രമുഖ സിനിമ സീരിയൽ നടിയുടെ ചിത്രങ്ങൾ മോർഫ് ചെയ്ത് സോഷ്യൽ മീഡിയ പ്ലാറ്റ്‌ഫോമായ ഇൻസ്റ്റാഗ്രാമിൽ പോസ്റ്റ് ചെയ്ത കേസിൽ ഒരു യുവാവിനെ ഇൻഫോപാർക്ക് സൈബർ ക്രൈം പോലീസ്  അറസ്റ്റ് ചെയ്തു.കരുമാലൂർ സ്വദേശി ശരത്ത് ഗോപാലിനെയാണ്  ഇൻഫോപാർക്ക് സൈബർ പോലീസ്   അറസ്റ്റ് ചെയ്തത്.പോലീസ് പറയുന്നതനുസരിച്ച്, പറവൂർ സ്വകാര്യ  കോളേജിൽ ഡിഗ്രി മൂന്നാം വർഷ വിദ്ധ്യാര്ത്ഥിയായ പ്രതി സോഷ്യൽ മീഡിയയിൽ നിന്നും   ഫോട്ടോകൾ ശേഖരിക്കുകയും അശ്ലീല ചിത്രങ്ങൾ ഉപയോഗിച്ച് മോർഫ് ചെയ്യുകയും ആ മോർഫ് ചെയ്ത ഫോട്ടോകൾ ഉപയോഗിച്ച് ഇൻസ്റ്റാഗ്രാമിൽ വ്യാജ അക്കൗണ്ടുകൾ സൃഷ്ടിക്കുകയും ചെയ്തിരുന്നു.  ഫോട്ടോകൾ മോർഫ് ചെയ്യാൻ ഉപയോഗിച്ച ഒരു മൊബൈൽ ഫോൺ ഇയാളിൽ നിന്ന് പോലീസ് പിടിച്ചെടുത്തു.