അഖിലേന്ത്യാ മൂട്ട് കോർട്ട് മത്സരം: ഗവണ്മെന്റ് ലോ കോളേജ് സേലം ജേതാക്കൾ

ഹൈക്കോടതി ജഡ്‌ജി ജസ്റ്റിസ് ശ്യംകുമാർ വി. എം. റിട്ട.ജസ്റ്റിസ് സുരേന്ദ്ര മോഹൻ, റിട്ട.ജഡ്‌ജ് ജസ്റ്റിസ് എബ്രഹാം മാത്യൂ എന്നിവരായിരുന്നു ജഡ്ജിംഗ് കമ്മി​റ്റി​ പാനൽഅംഗങ്ങൾ.  

author-image
Shyam Kopparambil
New Update
d

 

കൊച്ചി: പൂത്തോട്ട ശ്രീ നാരായണ ലോ കോളേജിന്റെ നേതൃത്വത്തിൽ സംഘടിപ്പിച്ച അഞ്ചാമത് അഖിലേന്ത്യാ മൂട്ട് കോർട്ട് മത്സരത്തിൽ ഗവണ്മെന്റ് ലോ കോളേജ് സേലം ജേതാക്കളായി. സ്‌കൂൾ ഓഫ് ലീഗൽ സ്റ്റഡീസ് (കുസാറ്റ് ) രണ്ടാം സ്ഥാനം നേടി ക്രൈസ്റ്റ് അക്കാദമി ഇൻസ്റ്റിറ്റ്യൂട്ട് ഓഫ് ലോ, ശ്രീ നാരായണ ഗുരു കോളേജ് ഓഫ് ലീഗൽ സ്റ്റഡീസ് കൊല്ലം, എന്നിവർ യഥാക്രമം മൂന്നും നാലും സ്ഥാനങ്ങൾ കരസ്ഥമാക്കി.
 
ഗായത്രി വി. മേനോൻ (ഗവണ്മെന്റ് ലോ കോളേജ് കോഴിക്കോട് ),ഡയന ബിനു (ശ്രീ നാരായണ ഗുരു കോളേജ് ഓഫ് ലീഗൽ സ്റ്റഡീസ് കൊല്ലം) എന്നിവർ മികച്ച റിസർചേർസ് ആയും, മിഥില എ. നായർ, ഷിയോൻ ഷാജി, അഭയ് ഡി സാബു ( മൂവരും കേരള ലോ അക്കാഡമി തിരുവനന്തപുരം ) എന്നിവർ മികച്ച മെമ്മോറിയൽസ് ആയും, എസ്. വിന്ദ്യ (ഗവണ്മെന്റ് ലോ കോളേജ് സേലം )മികച്ച സ്പീക്കർ ആയും തിരഞ്ഞെടുക്കപ്പെട്ടു. വിജയികൾക്ക് ട്രോഫിയും ക്യാഷ് അവാർഡുകളും വിശിഷ്ടാതിഥികൾ വിതരണം ചെയ്‌തു. സെമി ഫൈനൽ, ഫൈനൽ മത്സരങ്ങൾ ആണ് ഇന്നലെ നടന്നത്.
ഹൈക്കോടതി ജഡ്‌ജി ജസ്റ്റിസ് ശ്യംകുമാർ വി. എം. റിട്ട.ജസ്റ്റിസ് സുരേന്ദ്ര മോഹൻ, റിട്ട.ജഡ്‌ജ് ജസ്റ്റിസ് എബ്രഹാം മാത്യൂ എന്നിവരായിരുന്നു ജഡ്ജിംഗ് കമ്മി​റ്റി​ പാനൽഅംഗങ്ങൾ. 
 കോളേജ് മൂട്ട് കോർട്ട് ഹാളിൽ മാനേജർ എ. ഡി ഉണ്ണികൃഷ്ണന്റെ അധ്യക്ഷതയിൽ ചേർന്ന  യോഗത്തിൽ പ്രിൻസിപ്പൽ ഡോ. കെ. ആർ രഘുനാഥൻ മുഖ്യപ്രഭാഷണം നടത്തി. ഹൈക്കോടതി ജഡ്‌ജി ജസ്റ്റിസ് ശ്യം കുമാർ. റിട്ട.ജസ്റ്റിസ് സുരേന്ദ്ര മോഹൻ, റിട്ട.ജസ്റ്റിസ് എബ്രഹാം മാത്യു എന്നിവർ മത്സരം വിലയിരുത്തി സംസാരിച്ചു.വൈസ് പ്രസിഡന്റ് ശ്രീമതി. അനില സാബൂ സെക്രട്ടറി അരുൺ കാന്ത്, അക്കാഡമിക് കോർഡിനേറ്റർ സുരേഷ് വേലായുധൻ എന്നിവർ ആശംസകൾ അർപ്പിച്ചു. വൈസ് പ്രിൻസിപ്പൽ ഡോ. സിന്ധു സോമൻ സ്വാഗതവും, സ്റ്റുഡന്റ് കോൺവീനർ അഭിഷേക് നന്ദിയും പറഞ്ഞു.

kochi SN College