ആറ്റിങ്ങൽ ബൈപാസ് :ഫ്ലൈഓവർ നിർമ്മാണത്തിന് നടപടി തുടങ്ങി

ആറ്റിങ്ങൽ :ആറ്റിങ്ങൽ ബൈപാസിൽ ഫ്ലൈഓവർ നിർമ്മിക്കാൻ നടപടി തുടങ്ങി .നിർമ്മാണം പുരോഗമിക്കുന്ന ദേശീയ പാത 66 ൽ ആറ്റിങ്ങൽ നഗരത്തിലെ തിരക്ക് ഒഴിവാക്കാനാണ് ബൈപാസ് നിർമ്മിക്കുന്നത് .

അതിന്റെ നിലവിലെ രൂപരേഖയിൽ മാറ്റം വരുത്തിയാണ് ഫ്ലൈഓവർ നിർമ്മിക്കുക .മാമം പാലമൂടിൽ നിന്നാരംഭിച്ചു കല്ലമ്പലത്തിനു സമീപം വരെയാണ് ബൈപാസ് നിർമ്മിക്കുന്നത് .

പാലമൂട്ടിൽ ബൈപ്പാസിന്റെ തുടക്ക ഭാഗത്തു നിന്നാരംഭിക്കുന്ന ഫ്ലൈഓവറിനു ഏകദേശം 500 മീറ്റർ നീളം ഉണ്ടാകുമെന്ന് അധികൃതർ പറഞ്ഞു .

ഇവിടം വയലും ചതുപ്പുമുള്ള പ്രദേശമാണ് .മലപ്പുറം കൂരിയാട് ദേശീയപാതയിൽ മണ്ണിടിച്ചിൽ ഉണ്ടായതിന്റെ പശ്ചാത്തലത്തിലാണ് കൂടുതൽ വിദഗ്ധ പരിശോധന നടത്തിയത് .

കഴക്കൂട്ടം കടമ്പാട്ടുകോണം റീച്ചിൽ 12  കിലോമീറ്ററാണ് ബൈപ്പാസിന്റെ ദൈർഖ്യം.