/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/06/24/bigboss-2025-06-24-13-27-58.jpeg)
ടെലിവിഷന്‍ പ്രേക്ഷകര്‍ക്ക് ആവേശം പകരുന്ന ഒരു സംരംഭവുമായി ഏഷ്യാനെറ്റും മൈജി ഫ്യൂച്ചറും വീണ്ടും കൈകോര്‍ക്കുന്നു. വളരെ അധികം പ്രതീക്ഷയോടെ കാത്തിരിക്കുന്ന ബിഗ് ബോസ് മലയാളം സീസണ്‍ 7-ല്‍ പങ്കെടുക്കാന്‍ സാധാരണക്കാര്‍ക്ക് നേരിട്ട് അവസരമൊരുക്കുന്ന 'മൈജി ബിഗ് എന്‍ട്രി' പദ്ധതിയാണിത്.
ബിഗ് ബോസ് ഹൗസിലേക്ക് ചുവടുവയ്ക്കാനുള്ള സ്വപ്നം പലരുടെയും മനസ്സിലുണ്ട്. ഇപ്പോള്‍ ആ സ്വപ്നം യാഥാര്‍ഥ്യമാക്കാനുള്ള വഴിയാണ് ഈ ബിഗ് എന്‍ട്രി. പങ്കെടുക്കാന്‍ താല്‍പര്യമുള്ളവര്‍ ഏറ്റവും അടുത്തുള്ള മൈജി ഫ്യൂച്ചര്‍ ഷോറൂമില്‍ ഒരുക്കിയിട്ടുള്ള 'മൈജി ബിഗ് എന്‍ട്രി' ബൂത്തില്‍ വച്ച് തങ്ങളേക്കുറിച്ചുള്ള മൂന്ന് മിനിറ്റ് ദൈര്‍ഘ്യമുള്ള ഒരു വീഡിയോ റെക്കോര്‍ഡ് ചെയ്യാം. ഈ വീഡിയോ 50 MB-യില്‍ കൂടാതെ bb7.jiostar.com എന്ന വെബ്‌സൈറ്റില്‍ അപ്ലോഡ് ചെയ്യണം.അപേക്ഷകള്‍ സമര്‍പ്പിക്കാനുള്ള അവസാന തീയതി 2025 ജൂലൈ 10 ആണ്.പുതിയ പ്രതിഭകളെ കണ്ടെത്താനും ഇന്ത്യയിലെ ഏറ്റവും ചര്‍ച്ചാവിഷയമായ റിയാലിറ്റി ടെലിവിഷന്‍ ഷോയുടെ ഭാഗമാകാന്‍ അവര്‍ക്ക് ഒരു വേദി നല്‍കുക എന്നതുമാണ് ഈ മികച്ച അവസരത്തിലൂടെ ഏഷ്യാനെറ്റും മൈജി ഫ്യൂച്ചറും ലക്ഷ്യമിടുന്നത്. ഈ അസുലഭ അവസരം പരമാവധി ആളുകളിലേക്ക് എത്തിക്കാനും അവരെ ബിഗ് ബോസ് എന്ന സ്വപ്നത്തിലേക്ക് കൈപിടിച്ച് നടത്താനും മൈജി ബിഗ് എന്‍ട്രി സഹായിക്കും.