ബോബി ചെമ്മണ്ണൂർ ഹൈക്കോടതിയിൽ ജാമ്യാപേക്ഷ സമർപ്പിച്ചു

കൊച്ചി :ലൈംഗിക അധിക്ഷേപകേസുമായി ബന്ധപ്പെട്ട് വ്യവസായി ബോബി ചെമ്മണ്ണൂർ കേരള ഹൈക്കോടതിയിൽ ജാമ്യാപേക്ഷ സമർപ്പിച്ചു.കേസിൽ റിമാൻഡ് ആവശ്യമില്ലെന്ന് വാദിച്ചുകൊണ്ട് ചെമ്മണൂരിന്റെ അഭിഭാഷകൻ ഓൺലൈനായി ജാമ്യാപേക്ഷ സമർപ്പിച്ചു.കസ്റ്റഡി അപേക്ഷ സമർപ്പിക്കാതെ പോലീസ് ചെമ്മണ്ണൂരിനെ  30 മണിക്കൂർ ചോദ്യം ചെയ്തതിനാൽ അദ്ദേഹത്തിന്റെ റിമാൻഡ് അനാവശ്യമാണെന്ന് അഭിഭാഷകൻ ചൂണ്ടിക്കാട്ടി.നീതിയിൽ നിന്ന് ഒളിച്ചോടിയതായി കണക്കാക്കാത്ത ചെമ്മണ്ണൂർ അന്വേഷണവുമായി പൂർണ്ണമായി സഹകരിച്ചിട്ടുണ്ട്,അത് തുടരാൻ തന്നെയാണ് ഉദ്ദേശിക്കുന്നത്.കൂടാതെ,ചെമ്മണ്ണൂരിന്റെ ആരോഗ്യപ്രശ്നങ്ങൾ കാരണം അഭിഭാഷകൻ ഇടക്കാല ജാമ്യം തേടിയിട്ടുണ്ട്.

കീഴ്‌ക്കോടതി ചെമ്മണ്ണൂരിന് ജാമ്യം നിഷേധിച്ച് 14 ദിവസത്തെ ജുഡീഷ്യൽ കസ്റ്റഡിയിൽ വിട്ടതിന് ശേഷമാണ് ഈ സംഭവം.ചെമ്മണ്ണൂരിന്റെ പ്രവൃത്തികൾ ലൈംഗിക പീഡനത്തിന് തുല്യമാണെന്നും ജാമ്യം ലഭിച്ചാൽ സാക്ഷികളെ സ്വാധീനിക്കാനോ ഒളിവിൽ പോകാനോ സാധ്യതയുണ്ടെന്നും കോടതി നിരീക്ഷിച്ചിരുന്നു.ഒരു പൊതുപരിപാടിയിൽ വെച്ച്  ബൊച്ചേ  ദ്വയാർത്ഥ പരാമർശങ്ങൾ നടത്തിയെന്നും മോശമായി പെരുമാറിയെന്നും ആരോപിച്ച് നടി ഹണി റോസിന്റെ പരാതിയെ  തുടർന്നാണ് കേസ് ഫയൽ ചെയ്തത്.സമൂഹ മാധ്യമങ്ങളിൽ  ഹണി  റോസിനെക്കുറിച്ച് അശ്ലീല പരാമർശങ്ങൾ നടത്തിയതിനും നിരവധി പേരെ പോലീസ് അറസ്റ്റ് ചെയ്തിട്ടുണ്ട്.