/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/ghaGRjOdlmXzxtMsx3Xw.JPG)
ആലപ്പുഴയില്‍ അര്‍ദ്ധരാത്രിയില്‍ പത്താം ക്ലാസ് വിദ്യാര്‍ത്ഥിനികളുടെ വീട്ടിലെത്തിയ കാമുകന്മാരും ആണ്‍സുഹൃത്തുക്കളും തമ്മില്‍ ഏറ്റുമുട്ടി. നാലുപേര്‍ അറസ്റ്റില്‍. പെണ്‍കുട്ടികളെ പീഡിപ്പിച്ച കേസില്‍ കരുവാറ്റ വി.വി ഭവനത്തില്‍ വിഷ്ണുനാഥ് (22), കരുവാറ്റ അമ്മൂമ്മ പറമ്പ് കോളനി അഭിജിത്ത് (19) എന്നിവരും, വീട്ടില്‍ അതിക്രമിച്ചു കയറിയ കേസില്‍ കുമാരപുരം എരിയ്ക്കാവ് അശ്വതി ഭവനത്തില്‍ ആദിത്യന്‍ (18) പ്രായപൂര്‍ത്തിയാകാത്ത മറ്റൊരു വിദ്യാര്‍ത്ഥി എന്നിവരെയാണ് അറസ്റ്റ് ചെയ്തത്.
ശനിയാഴ്ച രാത്രി 12 മണിയോടെയാണ് സംഭവം. പത്താം ക്ലാസില്‍ പഠിക്കുന്ന പെണ്‍കുട്ടിയും പഠനാവശ്യത്തിന് എന്ന പേരില്‍ എത്തിയ സഹപാഠിയായ വിദ്യാര്‍ത്ഥിനിയും ഉണ്ടായിരുന്ന വീട്ടിലേക്കാണ് വിദ്യാര്‍ത്ഥികളായ രണ്ട് ആണ്‍ സുഹൃത്തുക്കള്‍ എത്തിയത്. ഈ സമയം തന്നെ പെണ്‍കുട്ടികളുടെ കാമുകന്മാര്‍ എത്തുകയും തര്‍ക്കമുണ്ടാകുകയുമായിരുന്നു.
ബഹളംകേട്ട് വീട്ടുകാര്‍ ഉണര്‍ന്നതോടെ മൂന്നുപേര്‍ ഓടി രക്ഷപ്പെട്ടു. മദ്യലഹരിയില്‍ ആയിരുന്ന ഒരാളെ വീട്ടുകാര്‍ പിടികൂടി പോലീസില്‍ ഏല്‍പ്പിക്കുകയായിരുന്നു. തുടര്‍ന്ന് പോലീസ് മറ്റു മൂന്നു പ്രതികളെ പിടികൂടുകയുംചെയ്തു. അന്വേഷണത്തില്‍ പെണ്‍കുട്ടികള്‍ രണ്ടു വര്‍ഷമായി ലൈംഗിക പീഡനത്തിനിരയായിരുന്നതായി മനസ്സിലായി.
ഹരിപ്പാട് എസ് എച്ച് ഒ മുഹമ്മദ് ഷാഫി, എസ് ഐ മാരായ ശ്രീകുമാര്‍, ഷൈജ, ഉദയന്‍, എ എസ് ഐ ശ്യാം കുമാര്‍ സിപിഒ മാരായ രേഖ, സനീഷ്, ശ്രീജിത്ത് പ്രമോദ്,ശരത്, നിഷാദ്, സജാദ് എന്നിവരടങ്ങുന്ന സംഘമാണു പ്രതികളെ പിടികൂടിയത്.