ഹൈക്കോടതി ഉത്തരവ് മറികടന്നുകൊണ്ട് ഗുരുവായൂർ ക്ഷേത്രത്തിൽ റീലിസ് ചിത്രീകരണം നടത്തിയ ജസ്‌ന സലീമിനെതിരെ കേസെടുത്തു

ഗുരുവായൂർ :ഹൈക്കോടതിയുടെ ഉത്തരവിനെ നിഷേധിച്ചുകൊണ്ട് ഗുരുവായൂർ ക്ഷേത്ര പരിസരത്തു റീൽസ് ചിത്രീകരണം നടത്തിയ കേസിൽ ജസ്‌ന സലീമിനെതിരെ കേസെടുത്തു.

മുൻപ് ജസ്‌ന നടപ്പുരയിൽ വെച്ച് റീൽസ് ചിത്രീകരണം നടത്തുകയും പിന്നീട് ഇതിനെ വിലക്കിക്കൊണ്ട് ഹൈക്കോടതി ഉത്തരവ് പ്രഖ്യാപിക്കുകയും ചെയ്തു .

എന്നാൽ ഇത് മറികടന്നാണ് വീണ്ടും ഇത്തരത്തിൽ ചിത്രീകരണം നടത്തിയത് .

നേരത്തെയും ജസ്ന ​ഗുരുവായൂർ നടയിൽ വച്ച് റീൽസ് ചിത്രീകരിച്ചത് വിവാ​ദമായിരുന്നു.

അന്ന് കിഴക്കേ നടയിലെ കൃഷ്ണ വി​ഗ്ര​ഹ​ത്തിൽ മാല ചാർത്തി ദൃശ്യങ്ങൾ പ്രചരിപ്പിച്ചെന്നായിരുന്നു പൊലീസിന്റെ പ്രാഥമിക അന്വേഷണ റിപ്പോർട്ടിലുണ്ടായിരുന്നത്. 

ദേവസ്വത്തിന്റെ പരാതിയിൽ കലാപശ്രമത്തിനാണ് അന്ന് കേസെടുത്തത്.

കൃഷ്ണന്റെ ചിത്രങ്ങൾ വരച്ച് വൈറലായ ജസ്ന ഗുരുവായൂർ ക്ഷേത്രത്തിനു മുന്നിൽ വച്ച് കേക്ക് മുറിച്ചതടക്കം വിവാദമായിരുന്നു. 

സംഭവത്തിൽ ​ദേവസ്വം നൽകിയ പരാതിയിൽ ഹൈക്കോടതി ശക്തമായ നിലപാട് സ്വീകരിക്കുകയായിരുന്നു.

ക്ഷേത്രങ്ങൾ ഭക്തർക്കുള്ള ഇടമാണെന്നും ഇത്തരത്തിൽ ചിത്രങ്ങൾ എടുത്ത് സമൂഹ മാധ്യമങ്ങളിൽ ഉൾപ്പെടെ പ്രചരിപ്പിക്കുന്നത് അം​ഗീകരിക്കാൻ സാധിക്കില്ലെന്നും കോടതി നിലപാടെടുത്തു.