ചൊക്രമുടി ഭൂമി കയ്യേറ്റം; 3 റവന്യൂ ഉദ്യോഗസ്ഥർക്ക് സസ്പെൻഷൻ

ഇടുക്കി: ചൊക്രമുടിയിലെ ഭൂമി കയ്യേറ്റത്തിൽ 3 റവന്യൂ ഉദ്യോഗസ്ഥർക്ക് സസ്പെൻഷൻ. ദേവികുളം മുൻ തഹസിൽദാർ ഡി.അജയൻ, ഡെപ്യൂട്ടി തഹസിൽദാർ ബിജു മാത്യു, ബൈസണ്‍വാലി വില്ലേജ് ഓഫിസർ എം.എം. സിദ്ദിഖ് എന്നിവർക്കാണ് സസ്പെൻഷൻ. പരിശോധന നടത്താതെ ചൊക്രമുടിയിൽ നിർമാണ അനുമതി നൽകിയെന്ന് കണ്ടെത്തിയതിനെ തുടർന്നാണ് നടപടി.

ഭൂമി തിട്ടപ്പെടുത്തുന്നതിൽ ക്രമക്കേടുകൾ കണ്ടെത്തിയതിനാൽ ഉടുമ്പൻചോല മുൻ താലൂക്ക് സർവേയർ ആർ.ബി. വിപിൻ രാജിനെ കഴിഞ്ഞദിവസം സസ്പെൻഡ് ചെയ്തിരുന്നു. ദേവികുളം സബ് കലക്ടർ നൽകിയ റിപ്പോർട്ടിനെ തുടർന്നാണ് ഇന്ന് 3 ഉദ്യോഗസ്ഥർക്കെതിരെ റവന്യൂ വകുപ്പ് നടപടി സ്വീകരിച്ചത്. ചൊക്രമുടിയിൽ ഭൂമി വാങ്ങിയവരുടെ പട്ടയം വ്യാജമാണോയെന്ന് കണ്ടെത്താനുള്ള പരിശോധന പരുരോഗമിക്കുകയാണ്.