സിപിഎം കേന്ദ്ര കമ്മിറ്റി യോ​ഗം നാളെ, മുഖ്യമന്ത്രി പിണറായി വിജയൻ അടക്കമുള്ള നേതാക്കൾ ഇന്ന് ദില്ലിയിലെത്തും

ദില്ലി: സിപിഎം കേന്ദ്ര കമ്മിറ്റി യോ​ഗം നാളെ ദില്ലിയിൽ തുടങ്ങും. മൂന്ന് ദിവസമായി ചേരുന്ന സിസി യോ​ഗത്തിൽ പങ്കെടുക്കാനായി മുഖ്യമന്ത്രി പിണറായി വിജയൻ അടക്കമുള്ള നേതാക്കൾ ഇന്ന് ദില്ലിയിലെത്തും. രാജ്യത്തെ നിലവിലെ രാഷ്ട്രീയ സാഹചര്യം ചർച്ച ചെയ്യാനാണ് സിസി യോഗം. ഉപരാഷ്ട്രപതി തെരഞ്ഞെടുപ്പിലെ വോട്ട് ചോർച്ച, തീവ്ര വോട്ടർ പട്ടിക പരിഷ്കരണം എന്നിവ യോ​ഗത്തിൽ ചർച്ചയാകും. കേരളത്തിൽ തദ്ദേ​ശ തെരഞ്ഞെടുപ്പിന്റെ ഒരുക്കങ്ങളും യോ​ഗം വിലയിരുത്തിയേക്കും.