തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സ ലഭിക്കാതെ രോഗി മരിച്ച സംഭവത്തിൽ രൂക്ഷമായ വിമർശനവുമായി ഡ‍ോക്ടർ ഹാരിസ് ചിറയ്ക്കൽ

തിരുവനന്തപുരം: തിരുവനന്തപുരം മെഡിക്കൽ കോളേജിൽ ചികിത്സയിലെ അനാസ്ഥമൂലം ഹൃദ്രോ​ഗിയായ കൊല്ലം സ്വദേശിയായ  വേണു മരിച്ച സംഭവത്തിൽ രൂ​ക്ഷവിമർശനവുമായി ഡ‍ോക്ടർ ഹാരിസ് ചിറയ്ക്കൽ.

വേണുവിനെ തറയിൽ കിട‌ത്തിയ സംഭവത്തിലാണ്  ഡോക്ടർ ഹാരിസ് ഇത്തരത്തിലുള്ള വിമർശനം നടത്തിയിരിക്കുന്നത് .

വളരെയധികം വേദനാജനകമായ കാര്യമാണ് നടന്നതെന്നും തറയിൽ എങ്ങനെയാണ് രോ​ഗിയെ കിടത്തുന്നതെന്ന് ഡോക്ടർ ഹാരിസ് ചോദിച്ചു.

എങ്ങനെ നിലത്ത് കി‌ടത്തി ചികിത്സിക്കാനാകും? നാടാകെ മെഡിക്കൽ കോളേജ് തുടങ്ങിയിട്ട് കാര്യമില്ലെന്ന് പറഞ്ഞ ഡോക്ടർ ഹാരിസ് സ്വകാര്യ ആശുപത്രികളെ ആശ്രയിക്കേണ്ട അവസ്ഥയാണെന്നും ചൂണ്ടിക്കാട്ടി.

പ്രാകൃതമായ ചികിത്സ നിലവാരമാണെന്നും ഡോക്ടർ പറഞ്ഞു .1986 ൽ താൻ എം ബിബിഎസ്  പഠിച്ചത് തിരുവനന്തപുരം മെഡിക്കൽ കോളേജിൽ ആയിരുന്നു .

അന്ന് ഇത്രയും രോഗികൾ തറയിൽ കിടക്കുന്നുണ്ടായിരുന്നില്ല .ഇന്ന് ഇത്രയും പുരോഗമിച്ചിട്ടും പ്രാകൃത നിലവാരമാണുള്ളത് .

മുൻപ് ചില കാര്യങ്ങൾ ചൂണ്ടിക്കാട്ടിയപ്പോൾ തനിക്ക് പല വിഷമതകളും നേരിടേണ്ടി വന്നിട്ടുണ്ടെന്നും ഹാരിസ് പറഞ്ഞു .