പ്രതീകാത്മക ചിത്രം
തിരുവനതപുരം: മേയ് മുതല് പുതിയ രീതിയില് ടെസ്റ്റ് നടത്തണമെന്ന നിര്ദേശം ഓഫീസ് മേധാവിമാര്ക്ക് നല്കിക്കൊണ്ട് ഉത്തരവിറക്കി മോട്ടോര്വാഹന വകുപ്പ്. ടെസ്റ്റിങ് ഗ്രൗണ്ട് ഉള്പ്പെടെയുള്ള അടിസ്ഥാനസൗകര്യങ്ങളൊന്നും ഒരുക്കാതെയാണ് ഡ്രൈവിങ് ടെസ്റ്റ് പരിഷ്കരണത്തിനൊരുങ്ങുന്നത് . എന്നാല് ഒരിടത്തും സ്ഥലമൊരുക്കാനുള്ള തുക അനുവദിച്ചിട്ടില്ല.
വകുപ്പിൻറെ കൈവശമുള്ള എട്ട് ഓട്ടോമേറ്റഡ് ടെസ്റ്റിങ് ട്രാക്കുകള് പോലും പൂര്ണസജ്ജമല്ല. മന്ത്രിയുടെ നിര്ദേശപ്രകാരം 77 ഓഫീസുകളില് ടെസ്റ്റിനു സ്ഥലമൊരുക്കാന് ഉദ്യോഗസ്ഥര് പദ്ധതി തയ്യാറാക്കിയിരുന്നു. എന്നാല്, ഒന്നരമാസം കാത്തിരുന്നിട്ടും തുക അനുവദിച്ചില്ല. ഇതിനിടെയാണ് മേയ് മുതല് റിവേഴ്സ് പാര്ക്കിങ്ങും, ഗ്രേഡിയന്റ് പരീക്ഷണവും ഉള്പ്പെടെ ഡ്രൈവിങ് ടെസ്റ്റ് കര്ശനമാക്കാന് നിര്ദേശം നല്കിയിട്ടുള്ളത്.
ഉത്തരവ് ഇറക്കിയെങ്കിലും അടിസ്ഥാന സൗകര്യങ്ങളില്ലാത്തതിനാല് ഡ്രൈവിങ് ടെസ്റ്റ് പരിഷ്കരണം നടക്കില്ല. ഡ്രൈവിങ് ടെസ്റ്റുകളുടെ എണ്ണം കുറയ്ക്കാന് മാത്രമാണ് സാധ്യതയുള്ളത്. ദിവസം 20 പുതിയ അപേക്ഷകരെയും പത്ത് പരാജയപ്പെട്ടവരെയും മാത്രമാകും ഡ്രൈവിങ് ടെസ്റ്റിന് പങ്കെടുപ്പിക്കുക. എണ്ണം കുറയ്ക്കുന്നതോടെ ഡ്രൈവിങ് ലൈസന്സ് വൈകി മാത്രമേ ലഭിക്കു