റോഡിൽ കലുങ്ക് നിർമ്മാണത്തിനായി കുഴിച്ച കുഴിയിൽ വീണ് വയോധികന് ദാരുണാന്ത്യം

കോഴിക്കോട്: റോഡിൽ കലുങ്ക് നിർമ്മാണത്തിനായി കുഴിച്ച കുഴിയിൽ വീണ് വയോധികൻ മരിച്ചു.

വില്യാപ്പിള്ളി സ്വദേശി മൂസയാണ് മരിച്ചത്.

55 വയസ്സായിരുന്നു.കോഴിക്കോട് വടകര വില്യാപ്പിള്ളിയിൽ വെച്ചായിരുന്നു അപകടം. 

റോഡിലൂടെ നടന്നു വരുന്നതിനിടെ അബദ്ധത്തിൽ കുഴിയിൽ വീഴുകയായിരുന്നു .

ഇന്നലെ രാത്രി 11 മണിയോടെയാണ് മൂസ കുഴിയിൽ വീണു കിടക്കുന്നത് നാട്ടുകാരുടെ ശ്രദ്ധയിൽപ്പെടുന്നത്.

ഉടൻ തന്നെ നാട്ടുകാർ മൂസയെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു