പുനരുപയോഗ ഊർജ നിയന്ത്രണ ചട്ടം  നാലിടത്ത്‌ പൊതു തെളിവെടുപ്പിന് വൈദ്യുതി റെഗുലേറ്ററി കമ്മിഷൻ

 
തിരുവനന്തപുരം :പുനരുപയോഗ ഊർജം സംബന്ധിച്ച നിയന്ത്രണ റഗുലേഷൻ ചട്ടത്തിന്റെ കരടിൽ വൈദ്യുതി റെഗുലേറ്ററി കമ്മിഷൻ സംസ്‌ഥാനത്തു നാലു കേന്ദ്രങ്ങളിൽ പൊതു തെളിവെടുപ്പ് നടത്തും .

കോഴിക്കോട് ,പാലക്കാട് ,എറണാകുളം ,തിരുവനന്തപുരം എന്നിവിടങ്ങളിൽ നടത്തുന്ന തെളിവെടുപ്പിന്റെ തീയതി സുപ്രീംകോടതിയുടെ അനുമതി നേടിയശേഷം തീരുമാനിക്കും .നേരത്തെ ഓൺലൈനിൽ മാത്രം തെളിവെടുപ്പ് നടത്തിയതിനെതിരെ ഡൊമസ്റ്റിക് ഓൺഗ്രിഡ് പ്രോസ്യൂമേഴ്‌സ് ഫോറം നൽകിയ ഹർജിയിൽ ആണ് നാലിടത്തു നേരിട്ട് തെളിവെടുപ്പ് നടത്താൻ ഹൈക്കോടതി ഉത്തരവിട്ടത് .

ഇത് സ്റ്റേ ചെയ്യാൻ കമ്മീഷൻ നൽകിയ ഹർജി സുപ്രീംകോടതി ഫയലിൽ സ്വീകരിച്ചെങ്കിലും സ്റ്റേ അനുവദിച്ചില്ല .

കോടതിയുടെ പരിഗണയിൽ ഉള്ള കേസ് ആയതിനാലാണ് അനുമതി തേടുന്നത് .സൗരോർജ പ്ലാന്റുകൾ ഉൾപ്പെടെയുള്ള പുനരുപയോഗ ഊർജം സംബന്ധിച്ച 2025 ലെ റഗുലേഷന്റെ കരടിനെ സംബന്ധിച്ചാണ് തർക്കം .

ഈ കേസിലെ ഹൈക്കോടതി വിധി ഭാവിയിലെ എല്ലാ റെഗുലേഷനെയും ബാധിക്കുമെന്ന് കമ്മീഷൻ സുപ്രീംകോടതിയെ അറിയിച്ചു .

ഹൈക്കോടതി വിധി സ്റ്റേ ചെയ്തില്ലെങ്കിലും ഉത്തരവിലെ നിർദ്ദേശങ്ങൾ നിലവിലെ കേസിലെ സാഹചര്യങ്ങൾക്ക് മാത്രമേ ബാധകമാകു എന്ന് സുപ്രീംകോടതി വ്യക്തമാക്കി .റഗുലേഷൻ അന്തിമമാക്കാൻ പൊതു തെളിവെടുപ്പ് കേന്ദ്ര ചട്ടത്തിൽ പറയുന്നില്ലെന്ന് കമ്മീഷൻ അറിയിച്ചു .

കേന്ദ്ര വൈദ്യുതി അതോറിറ്റിയും ഒഡിഷ ,ആന്ധ്രാ ,തെലങ്കാന ,മണിപ്പുർ ,തുടങ്ങിയ സംസ്ഥാനങ്ങളിലെ റെഗുലേറ്ററി കമ്മീഷനുകളും പൊതു തെളിവെടുപ്പ് നടത്താറില്ല .കോടതിയെ സമീപിക്കാനുള്ള അമിക്കസ് ക്യൂറിയായി അഡ്വ .ആനന്ദ് ഗണേശനെ നിയമിച്ചു .

രാജ്യത്തെ വിവിധ വൈദ്യുതി റഗുലേറ്ററി കമ്മീഷനുകളുടെ തെളിവെടുപ്പിന് തയ്യാറാക്കിയേക്കുമെന്ന് കോടതി വ്യക്തമാക്കി .