തിരുവനന്തപുരം മില്‍മ മേഘലയില്‍ ജീവനക്കാര്‍ സമരത്തില്‍

തിരുവനന്തപുരം : മില്‍മ തിരുവനന്തപുരം മേഖലയിലെ ജീവനക്കാര്‍ അനിശ്ചിതകാല സമരത്തിലേക്ക് . സിഐടിയു,ഐഎന്‍ടിയുസിയും സംയുക്തമായാണ് സമരം നടത്തുന്നത്.അമ്പത്തിയെട്ട് വയസ്സായി സര്‍വ്വീസില്‍ നിന്ന്് പിരിഞ്ഞ ഡോ.പി മുരളിയെ സര്‍വ്വീസ് കാലാവധികൂട്ടി തിരികെ ജോലിയിലേക്കെടുത്തതാണ് പ്രതിഷേധത്തിന് കാരണമായത്.തിരുവനന്തപുരം,കൊല്ലം,പത്തനംതിട്ട,ആലപ്പുഴ ജില്ലകളിലാണ് സമരം . മില്‍മയില്‍ നിന്ന് പുലര്‍ച്ചെ പാല്‍വണ്ടികള്‍ പോയതിന്‌ശേഷം പാല്‍വണ്ടികള്‍ പുറപ്പെട്ടിട്ടില്ല.പാല്‍ വിതരണം തടസ്സപ്പെടുമോ എന്ന് ആശങ്കയുണ്ട്.രാവിലെ ആറുമണി മുതല്‍ അനിശ്ചിത കാലത്തേക്കാണ് സമരം.ഇന്നലെയും ഇന്നു പുലര്‍ച്ചെയുമായി വിതരണം ചെയ്ത പാലുകള്‍ ലഭ്യമാണ്.