ജാ​വ്​​ദേ​ക്ക​റു​മാ​യു​ള്ള കൂ​ടി​ക്കാ​ഴ്ച; ഇ.പിയെ തള്ളി സി.പി.ഐ,സി.പി.എം സെക്ര​ട്ടേറിയറ്റ്​ യോഗം ഇന്ന്

തി​രു​വ​ന​ന്ത​പു​രം: ബി.​ജെ.​പി നേ​താ​വ്​ പ്ര​കാ​ശ്​ ജാ​വ്​​ദേ​ക്ക​റു​മാ​യു​ള്ള കൂ​ടി​ക്കാ​ഴ്ച​യുമായി ബന്ധപ്പെട്ട വിവാദത്തിൽ എ​ൽ.​ഡി.​എ​ഫ് ക​ൺ​വീ​ന​ർ ഇ.​പി. ജ​യ​രാ​ജ​ൻറെ വി​ശ​ദീ​ക​ര​ണം ത​ള്ളി സി.​പി.​ഐ നി​ല​പാ​ട്​ ക​ടു​പ്പി​ച്ച​തോ​ടെ പ്രതിരോധത്തിലായി സി.​പി.​എം.ജാ​വ്​​ദേ​ക്ക​റി​നെ ക​ണ്ട​തി​ൽ​ത​ന്നെ ഇ.​പി​ക്ക്​ ജാ​ഗ്ര​ത​ക്കു​റ​വു​ണ്ടാ​യതായി സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വം പ​ര​സ്യ​മാ​യി വി​മ​ർ​ശി​ച്ച​തി​ലൂ​ടെ മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ നി​ല​പാ​ടു​ക​ൾ കൂ​ടി​യാ​ണ്​ സി.​പി.​ഐ ത​ള്ളു​ന്ന​ത്. 

തെ​ര​​ഞ്ഞെ​ടു​പ്പ്​ വി​ല​യി​രു​ത്ത​ലു​ക​ൾ​ക്കാ​യി മേ​യ്​ ര​ണ്ടി​ന്​ സി.​പി.​ഐ സം​സ്ഥാ​ന എ​ക്സി​ക്യു​ട്ടി​വ്​ ചേ​രു​ന്നു​ണ്ട്. കൂ​ടി​ക്കാ​ഴ്ച വി​വാ​ദം യോ​ഗ​ത്തി​ൽ ച​ർ​ച്ച​യാ​കും. അ​തി​നു​ ശേ​ഷം ത​ങ്ങ​ളു​ടെ നി​ല​പാ​ട്​ മു​ന്ന​ണി​യെ അ​റി​യി​ക്കാ​നാ​ണ്​ സി.​പി.​ഐ തീ​രു​മാ​നം. ഫ​ല​ത്തി​ൽ വി​ഷ​യം സി.​പി.​എ​മ്മി​ൻറെ ആ​ഭ്യ​ന്ത​ര പ്ര​ശ്​​നം എ​ന്ന​തി​ൽ​നി​ന്ന്​ മു​ന്ന​ണി​​യു​ടെ പൊ​തു​പ്ര​തി​സ​ന്ധി​യാ​യി മാ​റു​ക​യാ​ണ്.

അതെസമയം തി​ങ്ക​ളാ​ഴ്ച​ ചേ​രു​ന്ന സി.​പി.​എം സെ​ക്ര​ട്ടേ​റി​യ​റ്റ്​ വി​ഷ​യം ച​ർ​ച്ച ചെ​യ്യും.ജ​യ​രാ​ജ​നെ​ക്കു​റി​ച്ചു​ള്ള പി​ണ​റാ​യി​യു​ടെ പ​ര​സ്യ​മാ​യ പ​രാ​മ​ർ​ശ​ങ്ങ​ൾ അ​ദ്ദേ​ഹ​ത്തി​നു​ള്ള അ​വ​സാ​ന താ​ക്കീ​താ​യി പാ​ർ​ട്ടി​യി​ലെ പ​ല​രും കാ​ണു​ന്നു​ണ്ട്. കൂ​ട്ടു​കെ​ട്ടി​ൽ ആ​കൃ​ഷ്ട​രാ​ക​രു​തെ​ന്ന മു​ഖ്യ​മ​ന്ത്രി​യു​ടെ ഉ​പ​ദേ​ശം ര​ണ്ടു​കൈ​യും നീ​ട്ടി സ്വാ​ഗ​തം ചെ​യ്യു​ന്നു​വെ​ന്നാ​ണ് ജ​യ​രാ​ജ​ന്റെ പ്ര​തി​ക​ര​ണം. മ​നു​ഷ്യ​രാ​യ​തി​നാ​ൽ ഒ​രു​പാ​ട് ശ​രി ചെ​യ്യു​മ്പോ​ൾ കു​റ​ച്ച് തെ​റ്റൊ​ക്കെ പ​റ്റും. അ​തൊ​ക്കെ തി​രു​ത്തി മു​ന്നോ​ട്ടു​പോ​കും എ​ന്ന ജ​യ​രാ​ജ​ന്റെ അ​ഭി​പ്രാ​യം പാ​ർ​ട്ടി ചെ​വി​ക്കൊ​ള്ളു​മോ എ​ന്നാ​ണ് അ​റി​യാ​നു​ള്ള​ത്.

ന​ട​പ​ടി​യെ​ടു​ക്കാ​ൻ കേ​ന്ദ്ര​നേ​തൃ​ത്വ​ത്തോ​ട്​ സം​സ്ഥാ​ന ക​മ്മി​റ്റി​ക്ക്​ ശി​പാ​ർ​​ശ ചെ​യ്യാം. സം​സ്ഥാ​ന നേ​തൃ​ത്വം ഇ​ക്കാ​ര്യം കേ​ന്ദ്ര​ക​മ്മി​റ്റി​യി​ൽ റി​പ്പോ​ർ​ട്ട് ചെ​യ്ത ശേ​ഷ​മേ പാ​ർ​ട്ടി കേ​ന്ദ്ര​നേ​തൃ​ത്വം വി​ഷ​യം ച​ർ​ച്ച​ക്ക്​ എ​ടു​ക്കൂ. ജ​യ​രാ​ജ​നെ​തി​രെ അ​ച്ച​ട​ക്ക ന​ട​പ​ടി വേ​ണ​മെ​ന്ന് സം​സ്ഥാ​ന നേ​തൃ​ത്വം ആ​വ​ശ്യ​പ്പെ​ട്ടേ​ക്കു​മെ​ന്നാ​ണ്​ വി​വ​രം. അ​ങ്ങ​നെ​യെ​ങ്കി​ൽ മു​തി​ർ​ന്ന നേ​താ​വി​നെ പ​ര​സ്യ​മാ​യി ശാ​സി​ക്കാ​ൻ കേ​ന്ദ്ര നേ​തൃ​ത്വം തീ​രു​മാ​നി​ച്ചേ​ക്കു​മെ​ന്ന​തി​ലേ​ക്കാ​ണ്​ സാ​ഹ​ച​ര്യ​ങ്ങ​ൾ വി​ര​ൽ​ചൂ​ണ്ടു​ന്ന​ത്. ഇ​ട​തു​മു​ന്ന​ണി ക​ൺ​വീ​ന​ർ സ്ഥാ​ന​ത്തു​നി​ന്ന് മാ​റാ​ൻ പോ​ലും കേ​ന്ദ്ര​ക​മ്മി​റ്റി ആ​വ​ശ്യ​പ്പെ​ട്ടേ​ക്കും.