എഴുപത്തിയാറാം റിപ്പബ്ലിക് ദിനം ആഘോഷിച്ച് എറണാകുളം ജില്ല

9ന് മന്ത്രി പി രാജീവ്  ദേശീയ പതാക ഉയർത്തി ജില്ലയുടെ റിപ്പബ്ലിക് ദിന പരിപാടികൾക്ക് തുടക്കം കുറിച്ചു. തുടർന്ന് പരേഡ് കമാൻഡറോടൊപ്പം പരേഡ് പരിശോധിച്ചു.  വിവിധ പ്ലറ്റൂണുകളുടെ മാർച്ച് പാസ്റ്റിൽ മന്ത്രി അഭിവാദ്യം സ്വീകരിച്ചു. തുടർന്ന് റിപ്പബ്ലിക് ദിന സന്ദേശം കൈമാറി.

author-image
Shyam Kopparambil
New Update
SD

 

തൃക്കാക്കര: വിപുലമായ പരിപാടികളോടെ എഴുപത്തിയാറാം റിപ്പബ്ലിക് ദിനം ആഘോഷമാക്കി ജില്ല. രാവിലെ 8.35 മുതൽ കാക്കനാട്  കളക്ടറേറ്റ് പരേഡ് ഗ്രൗണ്ടിൽ ആഘോഷ പരിപാടികൾക്ക് തുടക്കമായി. 8.43 ന് പരേഡിൽ പങ്കെടുത്ത പ്ലറ്റൂണുകൾ ബേസ് ലൈനിൽ അണിനിരന്നു. തുടർന്ന് ജില്ലാ കളക്ടർ എൻ.എസ്.കെ ഉമേഷ്‌, സിറ്റി പോലീസ് കമ്മീഷണർ  പുട്ട വിമലാദിത്യ എന്നിവർ പരേഡിനെ അഭിവാദ്യം ചെയ്തു. 

9ന് മന്ത്രി പി രാജീവ്  ദേശീയ പതാക ഉയർത്തി ജില്ലയുടെ റിപ്പബ്ലിക് ദിന പരിപാടികൾക്ക് തുടക്കം കുറിച്ചു. തുടർന്ന് പരേഡ് കമാൻഡറോടൊപ്പം പരേഡ് പരിശോധിച്ചു.  വിവിധ പ്ലറ്റൂണുകളുടെ മാർച്ച് പാസ്റ്റിൽ മന്ത്രി അഭിവാദ്യം സ്വീകരിച്ചു. തുടർന്ന് റിപ്പബ്ലിക് ദിന സന്ദേശം കൈമാറി.

പരിപാടിയിൽ  എറണാകുളം സെൻ്റ് തെരേസാസ് സ്കൂളിലെ വിദ്യാർത്ഥികൾ ദേശഭക്തിഗാനം ആലപിച്ചു. 

പരേഡ് കമാൻഡൻ്റ് മരട് സ്റ്റേഷൻ ഹൗസ് ഓഫീസർ ആർ രാജേഷിൻ്റെ  നേതൃത്വത്തിലാണ് പരേഡ് നടന്നത്. 
സായുധ, നിരായുധ വിഭാഗങ്ങളിലായി 24 പ്ലറ്റൂണുകളും 3 ബാന്റുകളുമാണ് പരേഡിൽ അണിനിരന്നത്. 


സായുധ സേന വിഭാഗത്തിൽ  ഡി.എച്ച്.ക്യു ക്യാമ്പ് കൊച്ചി സിറ്റി, എറണാകുളം റൂറൽ പോലീസ്, കൊച്ചി സിറ്റി ലോക്കൽ പോലീസ്, കൊച്ചി സിറ്റി വനിത പോലീസ്, കൊച്ചി റൂറൽ വനിതാ പോലീസ്, കേരള ആംഡ് പോലീസ് ഫസ്റ്റ് ബറ്റാലിയൻ തൃപ്പൂണിത്തുറ, 
എക്സൈസ്, സി കേഡറ്റ് കോപ്സ്, 21കേരള ബി.എൻ എൻ. സി. സി തുടങ്ങിയ പ്ലറ്റൂണുകളാണ് അണിനിരന്നത്. 

നിരായുധ വിഭാഗത്തിൽ ഫയർ ആന്റ് റെസ്‌ക്യു, കേരള സിവിൽ ഡിഫൻസ്, ടീം കേരള, സി കേഡറ്റ് കോപ്സ്, കസ്റ്റംസ് കേഡറ്റ് കോപ്സ്, 
പുത്തൻതോട് ഗവ ബോയ്സ് എച്ച് എസ് എസ്, കീഴ്മാട് എം ആർ സ് ബോയ്സ്, പള്ളുരുത്തി  ഗേൾസ് ഒ എൻ സി ജി എച്ച് സ് , സെൻ്റ് ജോസഫ്സ് എച്ച് എസ് കിടണ്ടൂർ എന്നിവിടങ്ങളിൽ നിന്നുള്ളു  സ്റ്റുഡന്റ് പോലീസ്  പ്ലാറ്റൂണുകൾ അണിനിരന്നു. 


എറണാകുളം എസ്.ആർ.വി.എച്ച്.എസ്.എസ് സ്കൗട്ട് ടീം,എറണാകുളം സെന്റ് ആന്റണീസ് ജി.എച്ച്.എസ്.എസ്,എറണാകുളം സെന്റ് തെരാസസ് സി.ജി.എച്ച്.എസ്.എസ്, എറണാകുളം എസ്.ആർ.വി. എച്ച്.എസ്.എസ്, എറണാകുളം ജോർജിയൻ അക്കാദമി ഇ.എം.എച്ച്.എസ് എന്നീ ഗൈഡ്സ് ടീമുകളും, സി കേഡറ്റ് കോപ്സ്, തൃക്കാക്കര സെന്റ്. ജോസഫ് ഇ.എം.എച്ച്.എസ്.എസ് , പള്ളുരുത്തി സെൻ്റ് ഡൊമിനിക് ഇ.എം.എച്ച്.എസ്  എന്നിവിടങ്ങളിലെ ബാൻഡ് ടീം എന്നിവരും പരേഡിൽ അണിനിരന്നു.

മികച്ച പ്ലറ്റൂണുകൾ

 സായുധ വിഭാഗത്തിൽഡി എച്ച് ക്യു ക്യാമ്പ് കൊച്ചി സിറ്റി  ഒന്നാം സ്ഥാനവും കെ എ പി ഫസ്റ്റ് ബെറ്റാലിയൻ രണ്ടാം സ്ഥാനവും എറണാകുള റൂറൽ പോലീസ് പ്ലാറ്റൂൺ മൂന്നാം സ്ഥാനവും നേടി.

 സായുധ പ്ലറ്റൂൺ എൻ.സി.സി, സി കേഡറ്റ് വിഭാഗത്തിൽ സി കേഡറ്റ് കോപ്സ്  ഒന്നാം സ്ഥാനം നേടി. 

നിരായുധ വിഭാഗത്തിൽ  സിവിൽ ഫയർ ആൻ്റ് റസ്ക്യു എറണാകുളം ഒന്നാം സ്ഥാനം നേടി. 

 കസ്റ്റംസ് കേഡറ്റ് സി കേഡറ്റ് കോപ്സ് വിഭാഗത്തിൽ കസ്റ്റംസ് കേഡറ്റ് ഒന്നാം സ്ഥാനം  കരസ്ഥമാക്കി.

 മികച്ച സ്റ്റുഡൻസ് പോലീസ് കേഡറ്റ്  പ്ലറ്റൂൺ ബോയ്സ്  വിഭാഗത്തിൽ പുത്തൻ തോട് ഗവൺമെൻ്റ  എച്ച് എസും
ഗേൾസ് വിഭാഗത്തിൽ പള്ളുരുത്തി  ഒ എൽ സി ജി എച്ച് എസും  ഒന്നാം സ്ഥാനം നേടി.

എറണാകുളം എസ് ആർ വി എച്ച് എസ് എസ്   സ്കൗട്ട് ടീമിന് പ്രോത്സാഹന സമ്മാനം നൽകി.

ഗൈഡ് വിഭാഗത്തിൽ സെൻ്റ് ആൻ്റെണീസ്, ഗ്രിഗോറിയൻ അക്കാദമി, എസ് ആർ വി എച്ച് എസ് എസ്   എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

 ബാൻഡ് ടീം വിഭാഗത്തിൽ . സീ കേഡറ്റ്  ഒന്നാം സ്ഥാനവും, സെൻ്റ് ജോസഫ്സ് എച്ച് എസ്   രണ്ടാം സ്ഥാനവും, സെൻ്റ്. ഡൊമിനിക്  ഇ എം എച്ച് എസ് എസ് പള്ളുരുത്തി എറണാകുളം മൂന്നാം സ്ഥാനവും നേടി.

 ദേശഭക്തിഗാനം ആലപിച്ച എറണാകുളം സെൻ്റ തെരേസാസ് ടിമിന് പ്രോത്സാഹനം സമ്മാനം നൽകി

ernakulam republic day 2024